ताजा समाचार

दुर्घटनाग्रस्त कारमा भेटियो १३० किलो गाँजा

समाचार
-
       

काठमाडौं । पूर्वपश्चिम राजमार्गअन्तर्गत धनगढीमाई नगपालिका–१० जिरोमाइलमा शनिबार दुर्घटना भएको कारबाट प्रहरीले एकसय ३० किलो गाँजा फेला पारेको छ ।

सिरहा जिल्ला प्रहरी कार्यालयका सूचना अधिकारी प्रहरी नायब उपरीक्षक वीरेन्द्रकुमार पासवानका अनुसार पूर्वबाट पश्चिमतर्फ गइरहेको ना३ख ७५९१ नम्बरको ट्रकले उत्तरतिरबाट आएको बा८च ९९६३ नम्बरको कारलाई राजमार्ग पार गर्ने क्रममा ठक्कर दिएको थियो ।

दुर्घटनापश्चात घटनास्थल पुगेको प्रहरीले खोजतलासका क्रममा कारमा गाँजा फेला पारेको हो । कारका चालक फरार रहेको प्रहरीले जनाएको छ । त्यस्तै कारलाई ठक्कर दिने ट्रकका चालकलाई प्रहरीले नियन्त्रणमा लिएर हिरासतमा राखिएको छ ।

Comments

प्रकाशित मिति : 2024-12-15

अरु समाचार

© NewsNepal 2018 - All Right Reserved.
newsnepal.com 2017.hlon.org