विराटनगरले काठमाडौंलाई दियो ११८ रनको लक्ष्य

Breaking News

काठमडौं । काठमाडौंमा जारी सिद्धार्थ बैंक नेपाल प्रिमियर लिग (एनपिएल)मा विराटनगर किंग्सले काठमाडौं गुर्खाजलाई ११८ रनको सामान्य लक्ष्य दिएको छ।

काठमाडौंको टियुस्थित अन्तराष्ट्रिय मैदानमा आज जारी खेलमा काठमाडौं गुर्खाजले पहिले टस जितेर फिल्डिङ रोजेपछि पहिले ब्याटिङ गरेको विराटनगर अन्तिम बल खेल्न बाँकी छदा ११७ रनमा अलआउट गरेको हो ।

विराटनगरका लागि ओपनर लोकेश बम ८ रनमा आउट भए भने दीपक बोहरा २० रन, निकोलास किर्टोन १२ रनमै पेभिलियन फर्कदा स्टक इडवार्डले १५ रन र बसिर अहमदले १३ रन जोड्न सके। इस्माल अलाम ५ रन, क्रिस सोल १ रन र कप्तान सन्दीप लामिछाने शून्यमा आउट भए।

राजेश पुलामी मगरले अन्तिम ओभरको तेस्रो बलमा आउट हुनुअघि २५ रन बनाउँदा उनले २१ बलमा १ चौका र १ छक्का प्रहार गरे।

बलिङमा काठमाडौंका गेरार्ल्ड इरासमसले ३ विकेट लिए भने दिपेश कँडेलले २ विकेट लिन सफल भए।

विराटनगर प्लेअफ दौडबाट बाहिरिसकेको छ भने काठमाडौंलाई प्लेअफ पुग्न आजको खेलमा जित निकाल्ने पर्न दबाब रहेको छ।