ताजा समाचार

काठमाडौंबाट जनकपुरतर्फ जाँदै गरेको बसमा एक पुरुषको शव फेला

समाचार
-
       

काठमाडौं । काठमाडौंबाट जनकपुरतर्फ जाँदै गरेको यात्रुवाहक बसमा एक जना पुरुषको शव फेला परेको छ । मङ्गलबार बिहान मधेश प्र ०४ ००१ ख ०१५७ नम्बरको बसमा एक भारतीय नागरिकको शव फेला परेको प्रहरीले जनाएको छ ।

इलाका प्रहरी कार्यालय ढल्केबर धनुषाका प्रहरी निरीक्षक जटाशङ्कर यादवले मृतक भारतको मधुवनी जिल्ला सिम्रीटोल निवासी अन्दाजी ७० वर्षीय जगदीश यादव रहेको बताएका छन् ।

उनका अनुसार बस लालगढमा यात्रीहरु शौचालयका लागि ओर्लिएको समयमा यादवलाई मृत अवस्थामा भेटिएको थियो । यादव सोमबार साँझ काठमाडौंबाट जटहीका लागि बसमा चढेको बताईएको छ ।

तत्काल मृत्युको कारण हालसम्म खुल्न नसकेको बताउँदै प्रहरी निरीक्षक यादवले शव परीक्षणपछि मात्रै मृत्युको वास्तविक कारण थाहा हुने जानकारी दिए ।

बस हाल इलाका प्रहरी कार्यालय ढल्केबरको नियन्त्रणमा रहेको छ । यस विषयमा थप अनुसन्धान जारी रहेको उनले बताए ।

Comments

प्रकाशित मिति : 2025-01-28

अरु समाचार

© NewsNepal 2018 - All Right Reserved.
newsnepal.com 2017.hlon.org