ताजा समाचार

बाजुरामा बसको ठक्करबाट छोराको मृत्यु, आमा घाइते

प्रदेश
-
       

काठमाडौं । बाजुरामा बसको ठक्करबाट घाइते भएका एक बालकको उपचारको क्रममा मृत्यु भएको छ ।

साँफे–मार्तडी राजमार्गमा पर्ने बुढीगंगा नगरपालिका–१ अम्कोटमा आइतबार बिहान बसको ठक्करबाट घाइते भएका बालकको उपचारका क्रममा जिल्ला अस्पताल बाजुरामा मृत्यु भएको हो । मृत्यु हुनेमा सोही नगरपालिका–१ अम्कोटका ८ वर्षीय नयन पाध्याय रहेको जिल्ला प्रहरी कार्यालय बाजुराका प्रमुख प्रहरी नायव उपरिक्षक दिलीप कुमार गिरीले बताए ।

प्रहरी प्रमुख गिरिका अनुसार धनगढीबाट मार्तडी आउँदै गरेको सु प प्र ०१–००१ ख ३६८८ नम्बरको बसले सडक नजिकै रहेको पसलमा घाम तापेर बसेको अवस्थामा ठक्कर दिँदा घाइते भएका बालकको बाजुरा जिल्ला अस्पतालमा उपचारका क्रममा मृत्यु भएको हो ।

बसको ठक्कर बाट घाइते भएकी मृतक बालककी आमा ५० बर्षिया बिस्ना पाध्यायको जिल्ला अस्पताल बाजुरामा उपचार भइरहेको र ठक्कर दिने बस सहित चालक उपेन्द्र मडैलाई प्रहरीले नियन्त्रणमा लिएको छ।

Comments

प्रकाशित मिति : 2025-02-16

अरु समाचार

© NewsNepal 2018 - All Right Reserved.
newsnepal.com 2017.hlon.org