अन्तर्राष्ट्रिय ओलपम्पिक कमिटीको निर्वाचन आज

breaking news

काठमाडौं । विश्व खेलकुदको शक्तिशाली संस्था मध्येको एक अन्तर्राष्ट्रिय ओलपम्पिक कमिटी आइओसीको नेतृत्वको लागि आज निर्वाचन हुँदैछ ।

सन् २०१३ पछि आइओसीले नयाँ अध्यक्षका लागि निर्वाचन गर्न लागेको हो । अध्यक्ष पदका लागि एक महिलासहित सात जना उम्मेदवार छन् । विश्व एथल्टिक्सका अध्यक्ष सेबासिटयन कोए, पौडी च्याम्पियन तथा जिम्बाब्वेको खेलकुद मन्त्री क्रिस्टि कभेन्ट्री र स्पेनका हुवान एन्टोनियो सामारान्च प्रतिस्पर्धामा छन् ।

यस्तै, अन्तर्राष्ट्रिय साइक्लिङ अध्यक्ष डेभिड लापारटिएन्ट, जोर्डनका प्रिन्स फैजल अल हुसने, अन्तर्राष्ट्रिय जिम्न्यास्टिक संघका अध्यक्ष मोरिनारी वाटानाबी र ओलम्पिकका नयाँ सदस्य खर्बपति जोहान इलासले उम्मेदवारी दिएका छन् ।

आइओसीका एक सय नौ मध्ये एक सय ६ सदस्य राष्ट्र उपस्थित भएको बताइएको छ । यदि कुनैपनि उम्मेदवारले स्पष्ट बहुमत नल्याए दोस्रो चरणको मतदान हुनेछ । अध्यक्षको कार्यकाल कम्तीमा आठ वर्षको हुनेछ । त्यसपछि भने थप चार वर्षका लागि पुनः निवर्चान हुन सक्नेछ ।