कुलमान घिसिङलाई पदबाट हटाउने निर्णयको चौतर्फी विरोध, प्राधिकरण आसपासमा उच्च सुरक्षा सतर्कता

breaking news

काठमाडौं । कुलमान घिसिङलाई नेपाल विद्युत् प्राधिकरणका कार्यकारी निर्देशक पदबाट हटाउने सरकारको निर्णयपछि विद्युत् प्राधिकरणको केन्द्रीय कार्यालयमा उच्च सुरक्षा सतर्कता अपनाईएको छ ।

सोमबार बसेको मन्त्रिपरिषद् बैठकले घिसिङलाई पदमुक्त गरी हितेन्द्रदेव शाक्यलाई प्राधिकरणको नयाँ कार्यकारी निर्देशक नियुक्त गर्ने निर्णय गरेको थियो। सो निर्णयपछि रत्नपार्क क्षेत्र लगायतका स्थानहरूमा प्रदर्शन हुन सक्ने सम्भावनालाई ध्यानमा राख्दै प्रहरीको उपस्थिति बढाएको हो।

घिसिङलाई हटाएको विरोधमा विद्यार्थीहरुले विरोध गर्दै मंगलबार बिहान ऊर्जा, जलस्रोत तथा सिँचाइ मन्त्री दीपक खड्काको पुत्ला दहनसमेत गरेका छन्। माओवादी केन्द्र र राष्ट्रिय स्वतन्त्र पार्टीले घिसिङको हटाइप्रति कडा आपत्ति जनाउनुका साथै सत्तारूढ दल नेपाली काँग्रेस र नेकपा एमालेभित्रै पनि यसको चर्को असन्तुष्टि देखिएको छ।