दक्षिण कोरियामा राष्ट्रपतिको निर्वाचन जुन ३ मा हुने

काठमाडौं । एसियाली मुलूक दक्षिण कोरियामा राष्ट्रपतिको निर्वाचन आगामी जुन ३ मा हुने भएको छ ।

पूर्वराष्ट्रपति युन सुक योलको मार्शल ल घोषणाको विनाशकारी प्रयासपछि उनलाई महाअभियोग लगाएर पदबाट हटाइएपछि नयाँ राष्ट्रपतीका लागि निर्वाचन हुन लागेको हो । सुक राष्ट्रपतीबाट निलम्बनमा परेपछि दक्षिण कोरिया डिसेम्बरदेखि नेतृत्वविहीन रहेको छ ।

गत हप्ता अदालतले सुकको महाभियोगलाई सदर गरेको थियो । उक्त फैसलाले उनलाई शीर्ष पदबाट हटाएसँगै ६० दिनभित्र नयाँ निर्वाचन गराउनुपर्ने प्रावधानअनुसार नयाँ निर्वाचनको मार्ग खुलेको हो ।
अहिले दक्षिण कोरियामा प्रधानमन्त्री हानले कार्यवाहक राष्ट्रपतिका रूपमा सरकार चलाइरहेका छन् । संवैधानिक अदालतले उनको आफ्नै महाभियोगलाई खारेज गरेपछि उनले भर्खरै पुनः काम सुरु गरेका हुन् ।

यस्तो छ चुनावी प्रक्रीयाः

राष्ट्रपति निर्वाचन सामान्यतया बुधवारहरूमा गरिन्छ तर रिक्त पदपूर्तिका लागि आयोजित आकस्मिक मतदानका लागि कुनै विशेष दिन तोकिएको छैन ।

आधिकारिक चुनावी अभियान मे १२ देखि जुन २ सम्म चल्नेछ । विपक्षी नेता ली जे–म्युङ अहिलेसम्मको जनमत सर्वेक्षणमा अग्रस्थानमा रहेका छन् । पछिल्लो ग्यालप सर्वेक्षण अनुसार उनको समर्थन दर ३४ प्रतिशत रहेको छ ।

उनको पार्टीले पहिले नै राष्ट्रिय विधान सभामा नियन्त्रण गरेको छ । सन् २०२२ को राष्ट्रपति चुनावमा उनी युनसँग थोरै मतले पराजित भयो तर चलिरहेको मुद्दासहित कानूनी समस्याहरूले छायामा पारेको करियरका बाबजुद मुख्य विपक्षी दलका नेताका रूपमा राजनीतिक पुनरागमन गरे ।

दोस्रो स्थानमा श्रममन्त्री किम मुन–सु हुन् । नौ प्रतिशत मत पाउँदै उनले युनको पिपल्स पावर पार्टीका चुनौतीकर्ताहरूको समूहको अगुवाइ गर्दै छन् । यसमा पूर्व पार्टी प्रमुख हान डोङ–हुन पनि समावेश छन् ।

Comments