ताजा समाचार

टी–२० विश्वकप तयारी : नेपालको अन्तिम अभ्यास खेल आज क्यानडासँग

Blog
- न्यूज नेपाल
       

काठमाडौं । आईसीसी टी–२० विश्वकपको तयारीस्वरूप अन्तिम वार्मअप खेलमा नेपालले आज क्यानडासँग प्रतिस्पर्धा गर्दैछ।

चेन्नईस्थित एमए चिदम्बरम स्टेडियममा हुने खेल दिउँसो १:१५ बजेदेखि सुरु हुनेछ। नेपालले पहिलो वार्मअप खेलमा यूएईलाई पराजित गरेको थियो।

विश्वकप तयारीअन्तर्गत नेपालले यसअघि मुम्बईमा एमसीए प्रेसिडेन्ट–११ सँग र श्रीलंकामा श्रीलंका ‘ए’ टोलीसँग अभ्यास खेल खेलेको थियो। श्रीलंका ‘ए’ सँग तीन खेल खेल्दा नेपालले एक खेल मात्र जितेको थियो भने एमसीएलाई दुवै खेलमा पराजित गरेको थियो।

फेब्रुअरी ७ (माघ २४) देखि भारत र श्रीलंकामा संयुक्त रूपमा सुरु हुने टी–२० विश्वकपमा नेपालले पहिलो खेल माघ २५ मा इंग्ल्यान्डसँग खेल्नेछ। त्यसपछि नेपालले माघ २९ मा इटली, फागुन २ मा वेस्ट इन्डिज र फागुन ४ मा स्कटल्यान्डसँग प्रतिस्पर्धा गर्ने तालिका छ।

Comments

प्रकाशित मिति : 2026-02-05

अरु समाचार

© NewsNepal 2018 - All Right Reserved.
newsnepal.com 2017.hlon.org