सरकारसँग वार्तामा बस्न महासंघले राख्यो यस्ता सर्त

New Post

काठमाडौं । सरकारले आह्वान गरेको वार्तामा बस्नका लागि नेपाल शिक्षक महासंघले विभिन्न सर्तहरु राख्दै सर्त पूरा गर्ने अवस्थामा मात्रै वार्तामा बस्ने जनाएको छ ।

गत चैत २० गतेदेखि शिक्षा ऐन ल्याउनु पर्ने र गत वर्ष भएको सहमती कार्यन्वयन गर्नुपर्ने विषयलाई मुख्य मुद्धा बनाएर काठमाडौंमा निरन्तर आन्दोलनरत महासंघले सरकारसँग वार्तमा बस्नका लागि सर्तहरु राखेको हो ।

शिक्षा मन्त्रालयले आजका लागि बोलाएको वार्तामा महासंघले सर्त राख्दै आफूहरू विद्यालय शिक्षा ऐन कसरी ल्याउने भन्ने विषयमा छलफल गर्ने भए मात्र वार्ता गर्न तयार रहेको शिक्षक महासंघका एक पदाधिकारीले जनाएका छन् ।

उनले भने, ‘२०८० असोज ५ गतेको सहमतिअनुसार माग पूरा गर्ने विषयमा मात्र छलफल गर्न तयार छौँ । पुनः के–के माग छन् भन्ने विषयमा मात्र हामी वार्तामा बस्दैनौँ।’

यस क्रममा चैत २५ देखि शिक्षकहरू अनिश्चितकालीन शैक्षिक हड्तालमा उत्रिएका छन । यस अघि पनि शिक्षा मन्त्रालयले चैत २१ र २२ गते शिक्षक महासंघलाई वार्तामा बोलाएको थियो। तर त्यो आह्वानलाई अस्विकार गर्दै महासंघले आन्दोलनलाई निरन्तरता दिएको थियो ।