पदीय मर्यादाविपरित उपसभामुख रुवी पत्रकार श्रेष्ठविरुद्ध आक्रोशित

breaking news

- न्यूज नेपाल

काठमाडौं । उपसभामुख रुबी कुमारी ठाकुरले आफूविरुद्ध समाचार प्रकाशित भएपछि पदीय मर्यादाविपरीतको अभिव्यक्ति दिँदै जनआस्था साप्ताहिकका अध्यक्ष तथा वरिष्ठ पत्रकार किशोर श्रेष्ठले आक्रोश व्यक्त गरेकी छन्।

उनले सामाजिक सञ्जालमार्फत पत्रकारको भेषमा महिलाको चरित्र हत्या गर्ने र महिलालाई आत्महत्या गर्न दुरुत्साहन गर्ने काम भएको आरोप लगाउँदै तीव्र असन्तुष्टि जनाएकी हुन्।

“श्रीसा कार्कीलाई आत्महत्या गराउने र कयौँ युवतीलाई आत्महत्या गर्न दुरुत्साहन गर्ने पत्रकारको भेषमा राक्षस नै हो। यसले कयौँ महिला दिदीबहिनीको चरित्र हत्या गरेको छ,” ठाकुरले भनेकी छन्।

उनले जनआस्था साप्ताहिकमा प्रकाशित समाचार पत्रकार आचारसंहिताविपरीत रहेको दाबी गर्दै सम्बन्धित पत्रकारमाथि प्रश्नसमेत उठाएकी छन्। “यो राक्षसलाई के भन्ने?” भन्दै उनले आक्रोश व्यक्त गरेकी छन्।

ठाकुरको यो अभिव्यक्ति उनीविरुद्ध जनआस्था साप्ताहिकमा अनैतिक सम्बन्ध रहेको दाबी गर्दै समाचार प्रकाशित भएपछि आएको हो। पदीय जिम्मेवारीमा रहेकी उपसभामुखले समाचारप्रति आपत्ति जनाउने क्रममा प्रयोग गरेको भाषालाई लिएर उनको अभिव्यक्ति पदीय मर्यादाअनुकूल नभएको प्रश्नसमेत उठेको छ।