बानेश्वरमा झडपपछि शिक्षक महासंघद्धारा आकस्मिक बैठक आह्वान

breaking news

काठमाडौं । आज (आईतबार) बानेश्वरमा प्रहरीसँगको झडपपछि नेपाल शिक्षक महासंघले आकस्मिक बैठक आह्वान गरेको छ।

आन्दोलन अशान्त बनेपछि महासंघले दिउँसो तीन बजे बानेश्वरमा रहेको रत्नराज्य माविमा आकस्मिक बैठक आह्वान गरेको हो।

बैठकमा आज भएको घटना तथा समग्र आन्दोलनका विषयमा छलफल हुने महासंघ अध्यक्ष लक्ष्मीकिशोर सुवेदीले जानकारी दिए ।

नयाँ बानेश्वरमा निषेधित क्षेत्र तोड्न खोजेपछि प्रहरीले आन्दोलनरत शिक्षक तथा विद्यालय कर्मचारीहरूमाथि लाठी प्रहार गर्नुका साथै पानीको फोहोर हानेको थियो। प्रहरीको तर्फबाट बल प्रयोग भएपछि शिक्षकहरू प्रतिकारमा उत्रिएका हुन्। उनीहरूले सडक छेउछाउ भएका ढुंगा प्रहरीमाथि प्रहार गरेका थिए ।

झडपमा बढी चोट लागेका शिक्षकहरूलाई उपचारका लागि सिभिल हस्पिटल लैजान भनिएको छ भने सामान्य चोट लागेका शिक्षकहरूलाई आन्दोलनस्थलमै उपचार भइरहेको छ।

महासंघले गत वर्षको चैत २० गतेदेखि आफ्ना पेशागत अधिकारको सुनिश्चीतता सहित विद्यालय शिक्षा ऐन जारी गराउन माग गर्दै काठमाडौं केन्द्रित शैक्षिक सडक आन्दोलन गरिरहेको छ।