एकै छिनमा खाल्डोमा ‘अलप’ भयो तर अझै फेला परेन् !

breaking news

काठमाडौं । रहस्यमय तवरले मकवानपुरको हेटौंडाको सडक भासिएरको गाडी अझै फेला पार्न सकिएको छैन। हेटौंडा उपमहानगरपालिका–१७ गैरीगाउँस्थित भित्री सडक भासिँदा त्यहाँ रोकेर राखिएको ना ४ ख ४८३३ नम्बरको गाडी भित्रै हराएको छ ।

सडक भासिएर गाडी खस्न थालेपछि चालक हरि राई बाहिर निस्किएका थिए।सडक भासिएर केहि बेरमै बेपत्ता भएपछि त्यहाँ पानी जमेर पोखरीको रूप लिएको थियो।

जिल्ला प्रहरी कार्यालय मकवानपुरका डिएसपी श्यामु अर्यालका अनुसार शुक्रबार प्रमुख जिल्ला अधिकारीसहित प्रहरी घटनास्थल पुगेको थियो। त्यहाँ विभिन्न उपाय लगाएर गाडी खोज्ने प्रयत्न गरिए पनि भेट्टाउन नसकिएको उनले बताए।

भासिएको ठाउँमा पोखरीको स्वरूप बनेपछि दिनभरि मोटर लगाएर त्यहाँ जम्मा भएको पानी बाहिर निकालिएको थियो। उनका अनुसार त्यस ठाउँमा बोरिङ खनिएको थियो। चालक र गाडी धनीसमेत रहेका हरि राईले त्यहाँ पोखरी बनाएर माछापालन समेत गरेका थिए।

सोहि माछा बोक्न प्रयोग गर्दै आएको गाडी नै शुक्रबार बेपत्ता भएको थियो ।