कप्तान बर्माको ब्याट चल्दा हार मुखबाट बच्यो नेपाली टोली !

New Post

- न्यूज नेपाल

काठमाडौं । थाइल्याण्डमा जारि आईसीसी महिला टी–२० विश्वकप एसिया छनोटअन्तर्गत समूह चरणको आफ्नो अन्तिम खेलमा नेपालले बहराईन माथि संर्घषपूर्ण जित निकालेको छ ।

नेपाली टोलिका कप्तान इन्दु बर्माले संकटपूर्ण परिस्थितिमा आक्रामक ब्याटिङ गर्दै बहराईनसँगको खेलमा जित निकाल्न सफल बनाएकी हुन् ।

पावर प्लेमा ३.५ ओभरमा २३ रन जोड्दा ४ विकेट गुमाएको नेपालले बर्माको आक्रामक ब्याटिङ्को मदतले खेल ६ विकेटले जितेको हो । जसका लागि कप्तान इन्दुले ७ बलमा अविजित २४ रनको पारी खेलिन् ।

त्यसअघि टस जितेर पहिले ब्याटिङ गरेको बहराइनले १२.४ ओभरमा ३ विकेट गुमाएर ७६ रन मात्रै बनाएको थियो । वर्षाका कारण खेल रोकिएर पुनः सुरु हुँदा नेपालले ७ ओभरमा ५६ रनको परिमार्जित लक्ष्य पाएको थियो ।

उक्त खेलमा हङकङ विजयी भएमा वा वर्षाले खेल नभएमा नेट रनरेटका आधारमा हङकङ सुपर ३ मा पुग्दा नेपाल भने बाहिरिनेछ । नेपाल अघि बढ्न बहराइनले हङकङलाई हराउनु पर्नेछ ।