ताजा समाचार

‘बत्ती गयो भन्दै विदेशबाट समेत फोन गरेर दुःख दिए’

breaking news
- न्यूज नेपाल
       

काठमाडौं । ऊर्जा, जलस्रोत तथा सिँचाइमन्त्री दीपक खड्काले विदेशबाट फोन गरेर लोडसेडिङ भएको भन्दै दुःख दिने गरिएको गुनासो गरेका छन् ।

बुधबार सिंहदरबारमा बसेको प्रतिनिधिसभाअन्तर्गतको पूर्वाधार विकास समितिको बैठकमा बोल्दै उनले विदेशबाट फोन गरेर बत्ती गएको भन्दै बारम्बार दुःख दिने काम भइरहेको बताएका छन् ।

उनले भ्रम फैलाउनेहरूले राति १२ बजे पनि फोन गरेर बत्ती गएको बताउने गरेका उल्लेख गर्दै त्यसबारे सोधपुछ गर्दा नेपालका ती स्थानहरूमा बत्ती गएको नभई झुटो जानकारी दिइएको पाइएको बताए ।

उनले यस्ता दुष्प्रचारमा नलागी यथार्थमै आधारित रहन आग्रह गरेका छन् । उनले अवरुद्ध भएको खण्डमा त्यसको कारणसहित जानकारी दिइने गरिएको पनि बताएका छन् ।

उनले उत्पादनमा कमी भएर नभई कम उत्पादन भएको बेला विद्युत् आयात गरेर भए पनि आवश्यकताअनुसार आपूर्ति भइरहेको बताए ।

उनले ऊर्जा, पर्यटन र कृषिबाट नेपालको समृद्धि सम्भव रहेको पनि बताए ।

Comments

प्रकाशित मिति : 2025-05-21

अरु समाचार

© NewsNepal 2018 - All Right Reserved.
newsnepal.com 2017.hlon.org