ताजा समाचार

इजरायलबाट उद्दार तथा स्वदेश फिर्ताका लागि दूतावासले थाल्यो अनलाइन रजिष्ट्रेसन

breaking news
- न्यूज नेपाल
       

काठमाडौं । इजरायलको तेल अभिभस्थित नेपाली ‍दूतावासले इजरायलमा रहेका नेपालीको उद्दार गर्न रजिष्ट्रेसन प्रक्रिया शुरु गरेको छ ।

तेल अभिभस्थित दूतावासले एक सूचना प्रकाशित गर्दै नेपालीको उद्दार तथा स्वदेश फिर्ती प्रयोजनका लागि भन्दै अनलाइन रजिष्ट्रेसन प्रक्रिया थालेको हो ।

“इजरायलमा विकसित पछिल्लो परिस्थितिका बीच समस्यामा/त्रासमा रहेका नेपाली नागरिकको आवश्यकतानुसार उद्धार, स्वदेश फिर्ती तथा अन्य प्रयोजनका लागि आधार प्राप्त होस् भन्ने हेतुले दूतावासले सूचना संकलनको काम सुरु गरेको छ,” दूतावासले सूचनामा भनेको छ ।

इजरायल र इरानबीच युद्ध चर्किएपछि विभिन्न राष्ट्रले इजरायलमा रहेका आफ्ना नागरिकलाई उद्धार गर्न सुरु गरेका छन् । इजरायलमा साढे पाँच हजार नेपाली रहेको अनुमान छ ।

उद्दार तथा स्वदेश फिर्ताका लागि गुगल फारम भर्नुपर्नेछ । माथिको लिंकमा क्लिक गरेमा गुगल फारम खुल्नेछ ।

Comments

प्रकाशित मिति : 2025-06-18

अरु समाचार

© NewsNepal 2018 - All Right Reserved.
newsnepal.com 2017.hlon.org