ताजा समाचार

निजामती विधेयकको कुलिङ पिरियडमा भएको चलखेल छानविन गर्न समिति गठन गरिने

breaking news
- न्यूज नेपाल
       

काठमाडौं । निजामती विधेयकमा कुलिङ अफ पिरियड सम्बन्धमा भएको चलखेल छानविन गर्न संसदीय समिति गठन गरिने भएको छ ।

प्रतिनिधिसभा अन्तर्गतको राज्यव्यवस्था तथा सुशासन समितिको आज बसेको बैठकले कुलिङ अफ पिरियडमाथि गरिएको फेरबदल छानविन गर्न संसदीय समिति गठन गर्न सभामुखलाई आग्रह गर्ने निर्णय गरेको हो ।

करिव तीन घण्टासम्म चलेको छलफलमा सांसदहरुले चलखेलको विषयमा गंभिर छानविन हुनुपर्ने धारणा राखेका थिए।

के कारणले त्यस्तो परिवर्तन हुन गयो भनि विधेयक निर्माणमा सहभागी कर्मचारीहरुको समेत धारणा लिइएको थियो । बैठक यस विषयमा थप छानविन गर्न सभामुखलाई आग्रह गर्ने निर्णयमा पु्गेको सभापति रामहरी खतिवडाले बैठकपछि जानकारी गराए।

बैठकमा सभापति खतिवडाले कुलिङ पिरियडमा भएको चलखेलमा आफ्नो संलग्नता पुष्टि भए जस्तोसुकै सजाय भोग्न पनि तयार रहेको समेत जानकारी गराए ।

Comments

प्रकाशित मिति : 2025-07-02

अरु समाचार

© NewsNepal 2018 - All Right Reserved.
newsnepal.com 2017.hlon.org