प्रधानमन्त्रीले युरोपबाटै दोहोर्‍याए: ‘सहमति अगावै देउवाजीलाई पद सुम्पिन्छु’

Breaking News

- NEWS NEPAL

काठमाडौं । प्रधानमन्त्री केपी शर्मा ओलीले म्याड्रिडबाटै नेपाली कांग्रेससँगको सहमति अनुसार शेरबहादुर देउवालाई प्रधानमन्त्री पद हस्तान्तरण गर्ने बताएका छन् ।

बुधबार राति म्याड्रिडस्थित नेपाली राजदूत निवासमा आयोजित प्रवासी नेपाली मञ्च निकटका कार्यकर्ताहरूसँगको अन्तरक्रियामा प्रधानमन्त्री ओलीले उक्त भनाइ राखेका हुन् ।

‘मैले दुई वर्ष सरकारको नेतृत्व गर्ने कुरा हो । तर, त्यो अवधि सकिएपछि मात्र हस्तान्तरण गर्नुपर्छ भन्ने छैन, बरु १०/१५ दिन अगावै पनि देउवाजीलाई पद सुम्पिन्छु’, ओलीले भनेका छन् ।

त्यस्तै, प्रधानमन्त्री ओलीले युरोपमा स्थायी रूपमा सेटल भइसकेका नेपालीलाई शुभकामना दिंदै अस्थायी रूपमा बसिरहेका र कठिनाइ भोगिरहेका नेपालीलाई नेपाल फर्केर आधुनिक कृषिमा अवसर खोज्न पनि सुझाव दिएका थिए ।

भेटमा प्रवासी नेपाली मञ्च अन्तर्राष्ट्रिय समितिका सचिव हेम शेर्पा, युरोप अध्यक्ष मुक्तबहादुर गुरुङ, स्पेन अध्यक्ष केदारनाथ ढुंगाना र पोर्चुगल अध्यक्ष दिपक खत्री लगायतको उपस्थिति थियो।

प्रधानमन्त्री संयुक्त राष्ट्रसंघीय ‘विकासका लागि वित्त’सम्बन्धी चौथो अन्तर्राष्ट्रिय सम्मेलनमा सहभागीता जनाउने क्रममा हाल युरोपमा रहेका छन् ।