बागमतीमा कांग्रेसले आज संसदीय दलको छान्ने

breaking news

- न्युज नेपाल

काठमाडौं । मुख्यमन्त्री समेत रहेका बहादुरसिंह लामालाई संसदिय दलको नेताबाट हटाएको नेपाली कांग्रेसले बागमतीले आज दलको नेता चयन गर्दैछ ।

मंगलबार अविश्वास प्रस्ताव बहुमतले पारित भएपछि लामाले दलको नेताको हैसियत गुमाएका थिए । अविश्वासको प्रस्तावको पक्षमा ३७ मध्ये २२ मत परेको थियो भने लामाको पक्षमा १५ मत ।

नयाँ नेता चयन गर्न कांग्रेस बागमती प्रदेशले मंगलबार नै निर्वाचन समिति गठन गरेको थियो । संयोजक हरिशरण श्रेष्ठले निर्वाचन कार्यतालिका सार्वजनकि गरेका छन् । निर्वाचन कार्यतालिका अनुसार दिउँसो २ देखि ३ बजेसम्म मतादान हुनेछ ।

त्यसअघि बिहान ८ बजे मतदाता नामावली प्रकाशन, १० देखि ११ बजे उम्मेदवारी दर्ताको समय तोकिएको छ । दलको नेताका लागि बहादुरसिंह लामाविरुद्ध अविश्वासको प्रस्ताव गर्ने सांसदहरुको पक्षबाछ इन्द्रबहादुर बानियाँ उम्मेदवार हुनेछन् । लामाको पक्षबाट उनी आफैं हुने वा अरुलाई उठाउने भन्ने टुंगो छैन ।

उता, संसदिय दलको नेताको हैसियत गुमाए पनि लामाले मुख्यमन्त्री नछोड्ने बताएका छन् ।