आज श्रीकृष्ण जन्माष्टमी पर्व मनाइँदै

breaking news

- न्यूज नेपाल

काठमाडाैं । आज ‘श्रीकृष्णजन्माष्टमी’ सनातन धर्मावलम्बीले आज भगवान् कृष्णको जन्मदिन श्रीकृष्णको पूजा–आराधना गरी मनाइँदैछ ।

ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई ‘श्रीकृष्णजन्माष्टमी’ र रातलाई ‘मोहरात्री’ भनिन्छ ।

यस दिन देशभरिका कृष्णमन्दिरमा भगवान् श्रीकृष्णको पूजा–आराधना, प्रवचन, भजनकीर्तन गर्नुका साथै विशेष गरी महिला, पुरुष ‘व्रत’ बसी रातभर जाग्राम बस्ने चलन छ ।

पाटनको मङ्गलबजारमा रहेको प्रसिद्ध कृष्णमन्दिरमा बिहानैदेखि मेला लागेको छ । श्रीकृष्ण मन्दिर रहेका अरु ठाउँमा पनि दर्शनार्थीको घुइँचो छ ।

भगवानश्री कृष्ण-धर्म, प्रेम र साहसको अमर प्रतीकलाई हिन्दू धर्ममा भगवान विष्णुको आठौं अवतार मानिन्छ। उनी देवकी र वासुदेवका आठौं पुत्र हुन्।

नेपालमा कृष्ण जन्माष्टमी उत्साहपूर्ण ढंगले मनाइन्छ। पाटनको प्रसिद्ध कृष्ण मन्दिरमा भक्तजन रातभर जाग्राम बस्छन्। भजनकीर्तन गर्छन् र भगवान कृष्णका बाल रूपका झाँकीको मज्जा लिन्छन्। मन्दिर फूल, दीप र रंगीन झाँकीले सजाइन्छन्।

नेपालमा जन्माष्टमी पर्वले धार्मिक मात्र नभईसांस्कृतिक महत्त्वपनि राख्छ। यहाँ गोवर्धन पूजा, नृत्य र गीतहरूको आयोजना गरिन्छ। भक्तजनले भगवान कृष्णका लीलाको अनुभव र स्मरण गर्दै सामाजिक एकता, प्रेम र सद्भावको भावना विकास गर्छन्।

Comments

प्रकाशित मिति : 2025-08-16

आज श्रीकृष्ण जन्माष्टमी पर्व मनाइँदै

Comments

अरु समाचार