ताजा समाचार

राष्ट्रपति पौडेलद्वारा पाटन कृष्ण मन्दिरको दर्शन र पूजा आराधना

breaking news
- न्युज नेपाल
       

काठमाडाैं । राष्ट्रपति पौडेलले पाटनस्थित् कृष्ण मन्दिरको दर्शन र भगवान् श्रीकृष्णको पूजा आराधना गरी प्रसाद ग्रहणसमेत गरेका छन्।

आज श्रीकृष्ण जन्माष्टमीको अवसरमा पूजा आराधनाकालागि राष्ट्रपति पौडेल प्रथम महिला सविता पौडेलसहित पाटनस्थित् कृष्ण मन्दिर पुगेका थिए ।

राष्ट्र प्रमुखको हैसियतमा कृष्ण जन्माष्टमीमा ललितपुरको कृष्ण मन्दिरमा पुगेर पूजा गर्ने चलन रहेको छ । राष्ट्रपति पौडेललाई कृष्ण मन्दिर परिसरमा ललितपुर महानगरपालिकाका प्रमुख चिरिबाबु महर्जनलगायत जनप्रतिनिधिले स्वागत गरेका थिए ।

किंवदन्तीअनुसार महादेव मन्दिर बनाउन राखिएको जग्गामा सपनामा भगवान् श्रीकृष्णले मन्दिर बनाउन भनेपछि राजा सिद्धिनरसिंहले खन्न लगाउँदा जमिनमुनि कृष्णको मन्दिर फेला परेपछि तल कृष्ण र माथि शिव मन्दिर स्थापना गरिएको हो ।

Comments

प्रकाशित मिति : 2025-08-16

अरु समाचार

© NewsNepal 2018 - All Right Reserved.
newsnepal.com 2017.hlon.org