‘हामीलाई तपाईं माथी पुर्ण बिश्वास छ, लिपुलेक हाम्रो भूमी हाे सम्झाउन नबिर्सनु होला’ : बालेन शाह

breaking news

- न्यूज नेपाल

काठमाडौं । चीनमा अायाेजना हुने साङ्घाई सहयोग सङ्गठन (एससिओ) शिखर सम्मेलनमा सहभागी हुन् चीन प्रस्थान गरेका प्रधानमन्त्री केपी शर्मा ओलीलाई काठमाडौं महानगरपालिकाका प्रमुख बालेन्द्र शाह(बालेन)ले शुभकामना व्यक्त गरेको छन् ।

चीनीयाँ राष्ट्रपति सी चिनफिङको निमन्त्रणमा पाँच दिने भ्रमणका लागि आज(शनिबार) बिहान त्रिभुवन अन्तराष्ट्रिय विमानस्थलबाट नेपाली प्रतिनिधिमण्डलको नेतृत्व गर्दै चीनतर्फ उडेका प्रधानमन्त्रीलाई महानगर प्रमुखले सामाजिक सञ्जाल फेसबुक मार्फत भ्रमणको शुभकामना व्यक्त गरेका हुन् ।

त्यस्तै, बालेनले प्रधानमन्त्री माथि पूर्णविश्वास भएको पनि बताएका छन् । उनले लेखेका छन् ‘All the best’ हामीलाई तपाईं माथी पुर्ण बिश्वास छ । लिपुलेक नेपाली भूमि हो चीनलाई सम्झाउन नबिर्सनु होला ।’

त्यस्तै, मेयर बालेनले नेपाली भूमी लिपुलेकबाट व्यापार लगायतका आवतजावत सहितका काम गर्न चीन र भारतले समझदारी गरेको र यो नेपालको सार्वभौमिकतामाथिको अतिक्रमण भएको उल्लेख गरेका छन् ।

सन्देशमा बालेनले लेखेका छन्,‘नेपालको लिपुलेक नाकाबाट व्यापार पुनः सञ्चालन गर्ने भारत–चीनको सहमतिले हाम्रो सार्वभौमिकतामाथिको अतिक्रमण गरेको छ, त्यो हाम्रो नै हो भन्ने कुरा चीनलाई सम्झाउन नबिर्सनु होला ।’