जेनजी पुस्ताको मागअनुसार विभागले काम गर्छः महानिर्देशक भट्टराई

breaking news

- न्यूज नेपाल

काठमाडाैं । वैदेशिक रोजगार विभागले भ्रष्टाचारविरोधि जेनजी पुस्ताको माग बमोजिम कार्यसम्पादन गर्ने गरि टिम निर्माण थालेको छ ।

वैदेशिक रोजगार विभागका महानिर्देशक कमलप्रसाद भट्टराईले विभागलाई जेनजी पुस्ताको स्पिरिटअनुसार काम गर्ने गरि अघि बढाउनका लागि आवश्यक तयारी थालेको विभागका एक कर्मचारीले जानकारी दिएका छन् ।

वैदेशिक रोजगार विभागमा श्रम स्वीकृतिमा क्रान्ति नै ल्याएका भट्टराईले विभागको छवीलाई उच्च बनाउनका लागि अधिकतम प्रयास गरिरहेको बेला विभागको कामलाई जेनजी पुस्तासंग जोड्ने गरि अघि बढ्ने तयारीलाई तीब्रता दिएका हुन् ।

‘जेनजीको विचार, ताैर तरिका नयाँ हुनसक्छ । युवा पुस्ताका माग र सोच फरक नै हुन्छन् । यस्तो कुरालाई पनि साथमा लिएर सेवा दिने गरि अघि बढ्ने तयारी चलिरहेको छ ।’ महानिर्देशक भट्टराईले न्यूज नेपालले भने ।

‘तीनवटा ब्लकमध्ये एउटा ब्लक पूर्णतः ध्वस्त बनेको छ । दुईवटा ब्लकबाट हामीले काम थालिसकेका छाैं । आगजनीबाट क्षति भएपनि सेवा अवरुद्ध नहुने गरि काम चलिरहेको छ । आगामी दिनमा प्रविधि र शैलीमा पनि चुस्तता लिने गरि काम थालिएको छ ।’ महानिर्देशक भट्टराईले उच्च मनोबलका साथ न्यूज नेपालसंग भने ।

यो पनि पढ्नुहोसः वैदेशिक रोजगारीमा जाने नेपालीलाई श्रम स्वीकृति दिने कुरा नै नमिल्दो छः महानिर्देशक भट्टराई

वैदेशिक रोजगार विभाग अहिले शुशासन र जनतको सेवामा अग्रणी सरकारी संस्थामा परिणत हुँदै गएको छ । महानिर्देशक भट्टराईलर जिम्मेवारी सम्हालेदेखि कर्मचारीहरु समेत काममा केन्द्रित हुने गरेका छन् ।

सेवाग्राहीलाई केन्द्रमा राखेर अघि बढेको विभागले युवाहरुको श्रम गन्तव्यदेखि श्रम शोषण, ठगी, समस्याको सुनुवाई जस्ता कामहरु गरिरहेकाले पनि विश्वास बढ्दै गएको स्थिति छ ।