एमाले सचिव योगेश भट्टराईले केन्द्रीय कमिटी बैठकमा प्रस्तुत गरेकाे लिखित प्रस्तावकाे पूर्णपाठ !

अन्तर्वार्ता

- न्युज नेपाल

काठमाडौं । नेकपा एमालेका सचिव योगेश भट्टराईले पार्टी र देश गम्भीर संकटमा फसेको निष्कर्षसहित केन्द्रीय कमिटी बैठकमा लिखित धारणा पेश गरेका छन् ।

ललितपुर, जावलाखेलस्थित भनिमण्डलमा जारी बैठकमा भट्टराईले ‘आजको संकट र पार्टी पुनर्गठन’ नाम दिइएको १६ पृष्ठको उक्त प्रस्तावमा भट्टराईले ‘जेनजी’ आन्दोलन र त्यसपछिका घटनाहरूको निर्मम समीक्षा गर्दै पार्टी अध्यक्ष केपी शर्मा ओलीलाई ’ को भूमिकामा रहन र नेतृत्व हस्तान्तरणको प्रक्रिया सुरू गर्न सुझाव दिएका छन् ।

गत भदौ भदाै महिनाकाे २३ र २४ गतेको घटना र त्यसपछिको अवस्थाको दोष अरुलाई दिएर उम्किन नमिल्ने र सरकारको नेतृत्वकर्ताको हैसियतले एमालेले पनि यसको जिम्मेवारी लिनुपर्नेमा उनले जाेड दिएका छन् ।

सरकारले विकास निर्माणका केही उल्लेखनीय कामहरू गरे तापनि ती उपलब्धिलाई जनतामाझ पुर्‍याउन नसकिएको र जनतासँगको सम्बन्ध टुटेको उनको स्वीकारोक्ति छ । सामाजिक सञ्जालमा व्यक्त भइरहेको जनआक्रोशलाई बेवास्ता गर्नु र अन्ततः त्यसमाथि प्रतिबन्ध लगाउनुले आगोमा घ्यू थपेको योगेशको टिप्पणी छ ।