अविनाश बोहराकाे समर्थकहरू माझ अनाैठाे आग्रह !

खेलकुद

- सुनिल भट्टराई

काठमाडौं । मंसिर १ गते सोमबारबाट काठमाडौंको त्रिवि अन्तराष्ट्रिय क्रिकेट मैदानमा सुरु हुने दोस्रो संकरणको नेपाल प्रिमियर लिगको ब्यग्र प्रतिक्षामा क्रिकेट समर्थकहरु रहेका छन् ।

नेपाल क्रिकेट संघ क्यानको भव्य तयारीमा भोलीबाट सुरु हुने प्रतियोगीताको उद्दाटन खेल साबिक विजेता जनकपुर बोल्ट्स र काठमाडौं गार्खाजबिच हुँदैछ । साे खेलकाे टिकट बिक्रिमा राेचकता देखिएकाे छ । क्यानले बताए अनुसार टिकट बुकिङ खुल्ला भएकाे २४ घण्टा नबित्दै सबै टिकट शाेल्ड अाउट भएकाे छ ।

समर्थकहरुको अपार माया र साथ पाएको नेपाली क्रिटेटले पहिलो पटक आफ्नै मैदानमा फ्लड लाइटको सुविधामा डे–नाईट क्रिकेट आयोजना गर्न लागिएको हो । लामो प्रतिक्षा पछि भव्य रंगशालामा डे–नाइट क्रिकेटको मज्जा लिन पाउँने भएपछि नेपाली समर्थकहरु उत्साहित बनेका छन् ।

त्यस्तै, प्रतियोगितामा नेपाल सहित विश्वभरिका चर्चित क्रिकेटरहरुको सहभागिताले प्रतियोगिताको गौरवलाई उच्च बनाउनुका साथै खेलहरू प्रतिस्पर्धात्मक बन्ने छन् । आठ वटा फ्रेन्चाइज टोलीहरुको सहभागिता रहेको यस प्रतियोगितालाई विश्वभरिबाट नै उत्साहका साथ हेरिने विश्वास आयोजक क्यानले लिएको छ ।

त्यस्तै, नेपाली क्रिकेटर अविनास बोहोराले सामाजिक सञ्जाल फेसबुकमा एक स्ट्याटस सार्वजनिक गर्दै क्रिकेट समर्थकहरु सामु एक सन्देश जारी गरेका छन् । उनले प्रतियोगिताको टिकट, पासका लागि आफुलाई सम्पर्क नगर्न आग्रह गरेका हुन् । उनले शनिबार सार्वजनिक गरेको सन्देशमा भनिएको छ ‘कृपया टिकट, पासका लागि मलाई सम्पर्क नगर्नु होला। KHALTI by IMEPay नेपाल प्रिमियर लिगको टिकटिङ पार्टनर छ त्या गएर काट्नु होला है ‘