११ बुँदे सहमतिसँगै हट्या वन्चरेडाँडामा फोहोर विर्सजनमा अवरोध

काठमाडौं । सरकारले माग पुरा नगरेको जनाउँदै नुवाकोटको वन्चरेडाँडामा फोहोर विर्सजनमा अवरोध भएकोमा दुई दिनमा सहमति भएको छ । सरकार, स्थानीयवासी तथा जनप्रतिनिधिविच विहीवार सहमति पत्रमा हस्ताक्षर भएको हो ।

सरकारले पटक/पटक स्थानीयवासीको मागप्रति आश्वासन दिए पनि सहमति नगरेको जनाउँदै स्थानीयवासीले बुधवारदेखि वन्चरेडांडामा फोहोर विसर्जनमा अवरोध पुर्‍याएका थिए । लगातारको प्रयासपछि वन्चरेडाँडा ल्याण्डफिल्ड साइट बञ्चरेडाँडाका स्थानीय र सरकारबिच सहमति भएको हो ।

मन्त्रालयमा दुई पक्षबीच ११ बुँदे सहमति भएको हो । सहमति जुटेसँगै स्थानीयवासी तथा स्थानीय जनप्रतिनिधिहरूले वन्चरेडाँडामा फोहोर विसर्जन गर्न दिन तयार भएका छन् ।

सहमतिमा फोहोर अवरोधका क्रममा स्थानीयवासी माथि लगाइएको मुद्दा फिर्ताका लागि पत्राचार गर्ने, ल्यान्ड फिल्ड साइटको ईआईए तत्कालै तयार गर्ने, एक महिनाभित्र मुआब्जा वितरण गर्ने लगायतका छन् । आफूहरुसँग भएको प्रतिबद्धता अनुसार सरकारले काम नगरेको भन्दै बुधवारदेखि फोहोर विसर्जनमा स्थानीयले गरेको अवरोध सहमतिमा टुङ्गिएको छ ।

सरकार र बन्चरेडाँडाबासीविच सहरी विकास मन्त्रालयमा भएको छलफलबाट ११बुँदे सहमति जुटेसँगै फोहोर ढुवानीको अवरोध हटेको हो । वन्चरेडाँडामा दैनिक तीन सय ट्रक फोहोर विसर्जन हुँदै आएको छ ।

सहमतिमा स्थानीयलाई विगतमा चलाइएका मुद्दाहरूको सम्बन्धमा तत्काल निर्णय गरी पत्राचार गर्ने, महानगरले दुई पालिकालाई दिँदै आएको ३/३ करोड रकमलाई वृद्धि गरी ६/६ करोड पुर्‍याउन तथा आगामी आवमा बेलकोटगढी नगरपालिकालाई समेत समावेश गर्न काठमाडौँ महानगरलाई अनुरोध गर्ने सहमति भएको छ । यस्तै तीनपिप्ले–कुमारी–गल्छी सडक निर्माण कार्यलाई चालू आवमा बहु वर्षीय गर्न आवश्यक प्रक्रिया अघि बढाउने लगायतका विषय समावेश छन् ।

काठमाडौँ उपत्यकाको फोहोरका कारण नुवाकोटको ककनी गाउँपालिका र बेलकोटगढी नगरपालिका तथा धादिडको धुनीवेशी नगरपालिकाका बासिन्दा प्रभावित हुँदै आएका छन् । उनीहरूले शिक्षा, स्वास्थ्य, रोजगारी तथा दीर्घकालीन विकासका कार्यहरू सरकारले प्रभावकारी रूपमा गर्न नसकेको गुनासो गर्दै आएका छन् ।

Comments

• वन्चरेडाँडा