ताजा समाचार

साउन १ देखि सर्वोच्च अदालतको नियमित सुनुवाइ ११ दिन प्रभावित

breaking news
-
       

काठमाडौं । नयाँ आर्थिक वर्षका लागि लगत सार्ने वार्षिक प्रक्रियाका कारण सर्वोच्च अदालतमा साउन १ गतेदेखि नियमित सुनुवाइ ११ दिनसम्म प्रभावित हुने भएको छ।

हरेक आर्थिक वर्षको सुरुआतमा अदालतमा लगत सार्ने कार्य गरिने भएकाले केही समय नियमित सुनुवाइ स्थगित गर्ने अभ्यास रहँदै आएको छ। यस वर्ष पनि सोही व्यवस्थाअनुसार नियमित सुनुवाइ साउन ११ गतेदेखि मात्र पुनः सञ्चालन हुने सर्वोच्च अदालत प्रशासनले जनाएको छ।

यसअघि यस्तो प्रक्रियाका कारण करिब दुई सातासम्म नियमित सुनुवाइ प्रभावित हुने गरेको थियो। तर यस वर्ष सुनुवाइ अवरुद्ध हुने अवधि घटाएर ११ दिनमा सीमित गरिएको अदालत प्रशासनको भनाइ छ।

यद्यपि, बन्दी प्रत्यक्षीकरणसम्बन्धी मुद्दाको सुनुवाइ भने यस अवधिमा पनि निरन्तर हुनेछ। साथै, अत्यावश्यक प्रकृतिका केही निवेदनमाथि पनि सुनुवाइ जारी रहने सर्वोच्च अदालत प्रशासनले जनाएको छ।

Comments

प्रकाशित मिति : 2026-07-10

अरु समाचार

© NewsNepal 2018 - All Right Reserved.
newsnepal.com 2017.hlon.org