रसुवा बाढीपीडितका लागि वायुसेवा निगमद्वारा ९८ लाख ३५ हजार ९७६ रुपियाँ सहयोग

breaking news

काठमाडौं । रसुवामा आएको बाढीबाट प्रभावित नागरिकको उद्धार तथा राहत कार्यमा सहयोग पुर्‍याउने उद्देश्यले नेपाल वायुसेवा निगमले प्रधानमन्त्री दैवी प्रकोप उद्धार कोषमा ९८ लाख ३५ हजार ९७६ रुपैयाँ ६७ पैसा सहयोग गरेको छ।

निगमले २०८३ भदौ १० गते रसुवामा आएको बाढीबाट प्रभावित नागरिकका लागि उक्त सहयोग रकम प्रदान गरेको हो। निगममा कार्यरत सम्पूर्ण कर्मचारीको तलबबाट रकम कट्टा गरी सहयोग संकलन गरिएको जनाइएको छ।

निगमका निमित्त महाप्रबन्धक जनकराज कालाखेतीले संस्कृति, पर्यटन तथा नागरिक उड्डयन मन्त्रालयका सचिव मुकुन्दप्रसाद निरौलाको समुपस्थितिमा उक्त रकम बराबरको चेक संस्कृति, पर्यटन तथा नागरिक उड्डयनमन्त्री खडक राज पौडेल (गनेस) लाई हस्तान्तरण गरेका हुन्।

‘निगमले बाढीबाट प्रभावित नागरिकको उद्धार तथा राहत कार्यमा सहयोग पुर्‍याउने उद्देश्यले कर्मचारीको तलबबाट रकम संकलन गरी कोषमा हस्तान्तरण गरेको ‘ असोज १ गते बिहिबार जारी गरिएको प्रेस नोटमा उल्लेख छ ।