ताजा समाचार

आफू कुनै पनि अनुसन्धान दायरामा नरहेको ट्रम्पको दाबी

विश्व प्रवास
-
       

काठमाडौं, २९ बैशाख । अमेरिकी राष्ट्रपति डोनाल्ड ट्रम्पले आफू अनुसन्धानको दायरामा नरहेको दाबी गरेका छन् । संघीय जाँच ब्यूरो (एफबीआइ) का प्रमुख जामी कोमीलाई बर्खास्त गरेपछि उठेको प्रश्नको जवाफ दिँदै राष्ट्रपति ट्रम्पले आफू कुनै अनुसन्धानको निगरानीमा नरहेको प्रष्ट पारेका हुन् ।

एफबीआइका निर्देशक कोमीको बर्खास्तगीको विषयलाई पनि अतिशयोक्तिपूर्ण ढंगले उछालिएको उनको भनाइ थियो । कोमीलाई बर्खास्त गर्ने निर्णय आफ्नो एकल भएको उनले बताए ।

अमेरिकी निर्वाचनमा रुसी संलग्नता र ट्रम्पको चुनावी अधिकारीहरुसँग मस्कोको साँठगाँठका बारेमा कोमीको नेतृत्वमा अनुसन्धान भइरहेका बेला उनलाई बर्खास्त गरिएको भन्ने विषयले अमेरिकी राजनीतिलाई तताएको बेला ट्रम्पले यो प्रष्टीकरण दिएका हुन् । एजेन्सी

Comments

प्रकाशित मिति : 2017-05-12

अरु समाचार

© NewsNepal 2018 - All Right Reserved.
newsnepal.com 2017.hlon.org