ताजा समाचार

कंगोको जेलमा बन्दुकधारीले आक्रमण गर्दा ११ जनाको मृत्यु, ९ सय कैदी भागे

विश्व प्रवास
-
       

काठमाडौं, २९ जेठ । बन्दुकधारीले प्रजातान्त्रिक गणतन्त्र कंगोको एक जेलमा आक्रमण गरेका छन् । कंगोको उत्तरी क्षेत्रको किवु प्रान्तको एक जेलमा रहेका कैदीबन्दीलाई भगाउन गरेका आक्रमणमा परी ११ जनाको ज्यान गएको छ ।

९ सय कैदीबन्दी भागेका छन् । बेनीमा रहेको जेलमा आक्रमणका लागि आक्रमणकारीले ठूला हतियार प्रयोग गरेको सरकारी अधिकारीलाई उद्धृत गर्दै बिबिसीले जनाएको छ । घटनामा ज्यान गुमाएका मध्ये कम्तिमा ८ जना जेलको सुरक्षाका लागि खटिएका गार्ड रहेका छन् ।

आक्रमण कसले गरेको भन्ने अहिलेसम्म खुलेको छैन । कंगोमा जेल तोडेर कैदीबन्दी भाग्ने घटना बढी हुने गरेका छन् । गएको महिना राजधानी किनशासामा रहेको जेलबाट झण्डै चार हजार कैदीबन्दी भागेका थिए ।

Comments

प्रकाशित मिति : 2017-06-12

अरु समाचार

© NewsNepal 2018 - All Right Reserved.
newsnepal.com 2017.hlon.org