पूर्वयुवराज्ञी हिमानी शाह छोराछोरी लिएर पूजापाठमा सक्रिय

समाचार

काठमाडौं, ३१ जेठ । पूर्वयुवराज्ञी हिमानी शाह छोराछोरी लिएर पूजापाठतिर लागेकी छन् । गत साता आफ्नो कुल देवता रहेको गोरखामा गएर कूलपूजा गरेकी हिमाले मंगलबार स्याङ्जामा समेत पूजापाठ गरेकी थिईन् । उनी छोरा हृदयेन्द्र, पूर्णिका र कीर्तिकालाई साथमा लिएर विभिन्न मठमन्दिरहरूको दर्शनका लागि हिँडेकी हुन् । हिमानीले छोराछोरीहरूलाई आफ्नो कूल वंशीय परम्परागत मूल मान्यतालाई निरन्तरता दिन यस्तो गरेकी हुन् ।

हिमानीले शाह वंशीय कुलदेवीका रुपमा स्याङ्जा जिल्लामा अवस्थित प्रसिद्ध आलमदेवी मन्दिरमा पुगेर छोरा हृदयन्द्रसहित विशेष पूजा गरेकी छिन् । पूजा कार्यक्रममा दुई छोरीहरू पनि सहभागी थिए । विशेष पूजा कार्यक्रममा पूर्णिका र कृतिका शाह पनि साथमा रहेको स्थानीयले बताएका छन् ।

पूजापाठपछि पूर्वयुवराज्ञी हिमानी स्याङ्जाको पुतलीबजार नगरपालिकास्थित प्रगतिनगरमा अवस्थित ठकुरी समाजको नवनिर्मित भवनको पनि उद्घाटन गरिन् । पूर्वयुवराज्ञीको स्वागतमा उल्लेख्य स्थानीयको सहभागिता रहेको थियो ।