ताजा समाचार

दार्जिलिङमा प्रहरी दमनः हिंसात्मक झडपमा परी एक सुरक्षाकर्मीसहित तीनजनाको मृत्यु

विश्व प्रवास
-
       

दार्जिलिङ, ४ असार । दार्जिलिङमा चर्किएको गोर्खाल्यान्ड आन्दोलनकाक्रममा एकजना सुरक्षाकर्मीसहित तीनजनाको ज्यान गएको छ । ठूलो संख्यामा प्रदर्शनकारी घाइते भएका छन् । गोर्खा जनमुक्ति मोर्चाका प्रमुख विमल गुरुङको कार्यालयमा प्रहरीले छापा मारेको विरोधमा शनिबार मोर्चाका कार्यकर्ता प्रदर्शनमा उत्रिएका थिए । त्यसपछि दार्जिलिङ आसपासको क्षेत्रमा हिंसा भड्किएको थियो ।

अलग्गै गोर्खाल्यान्ड राज्यको माग गर्दै आन्दोलनको नेतृत्व गरिरहेको गोरखा जनमुक्ति मोर्चाले यो घटनापछि दार्जिलिङसमेत उत्तर बंगालको सम्पूर्ण पहाडी क्षेत्रमा बन्दको घोषणा गरेको छ । यो घोषणापछि दार्जिलिङमा कर्फ्युकोजस्तो अवस्था रहेको स्थानीय सन्चारमाध्यमहरुले जनाएका छन् ।

उत्तर बंगालको पहाडी क्षेत्रमा बंगाली भाषाको पढाइ अनिवार्य गर्ने पश्चिम बंगाल सरकारको निर्णयविरुद्ध नेपालीभाषी केही दिनयता आन्दोलनमा छन् ।

Comments

प्रकाशित मिति : 2017-06-18

अरु समाचार

© NewsNepal 2018 - All Right Reserved.
newsnepal.com 2017.hlon.org