ताजा समाचार

प्रधानमन्त्री देउवाको सुरक्षामा खटिएको प्रहरीको गाडी दुर्घटना दुईजना घाइते

राजनीति
-
       

 


कैलाली, १४ असार । प्रधानमन्त्री शेरबहादुर देउवाको सुरक्षामा रहेको प्रहरी गाडी दुर्घटनामा परेको छ । कैलालीको सहजपुरमा प्रधानमन्त्री देउवाको सुरक्षाका लागि ड्युटीमा रहेको प्रहरीको से १ ख १५०३ नम्बरको गाडी तीब्र गतिका कारण सडकमा चिप्लिएर दुर्घटना भएको हो ।

दुर्घटनामा दुईजना प्रहरी घाइते भएका छन् । घाइते मध्ये एकजनाको हातमा चोट लागेको छ । उनीहरुको स्थानीय मेडिकलमा उपचार भइरहेको जिल्ला प्रहरी कार्यालयका प्रहरी प्रवक्ता वीरबहादुर बुुढा मगरले जानकारी दिए ।

प्रहरी सवार जिप धनगढी–डडेलधुरा (भीमदत्त) राजमार्ग अन्तर्गत पर्ने कैलालीको फल्टुडेमा दुर्घटनामा परेको हो । प्रधानमन्त्री देउवा आफ्नो गृह जिल्ला डडेलधुरामा मतदान गरी धनगढीतर्फ आउन लागेका थिए ।

 

Comments

प्रकाशित मिति : 2017-06-28

अरु समाचार

© NewsNepal 2018 - All Right Reserved.
newsnepal.com 2017.hlon.org