ताजा समाचार

तालिबानद्वारा अपहरण गरेका ६० मध्ये सातजनाको हत्या, अझै ३० जना अज्ञात

विश्व प्रवास
-
       

काठमाडौं, ८ साउन । अफगानिस्तानमा तालिवान बिद्रोहीले अपहरण गरेका सात जनाको हत्या गरेका छन् । तालिवान बिद्रोहीले कान्दाहार प्रान्तको गाउँबाट केही दिन अगाडी ६० भन्दा बढी गाउँलेलाई अपहरण गरेका थिए । त्यसमध्ये कम्तिमा सातजनालाई अफगान बिद्रोहीले हत्या गरेको अफगान प्रहरीका उच्च अधिकारीलाई उद्धृत गर्दै बिबिसीले जनाएको छ ।

अपरहणमा परेका मध्ये ३० जना भने मुक्त भएका छन् । तर अझै ३० जनाको अवस्था अज्ञात रहेको छ । अफगानिस्तामा भइरहेको आन्तरिक द्वन्द्वका कारण यो वर्षको ६ महिनामा १६ सय भन्दा बढीको ज्यान गइरहेको संयुक्त राष्ट्रसंघले जनाएको छ ।

तालिबान बिद्रोहीले कान्दाहार उरुज्गान राजमार्गमा सेना विरुद्ध सुरु गरेको एकीकृत अभियानको क्रममा गाउँलेको अपहरण गरेका हुन् । तालिबान बिद्रोहीले सरकारी पक्षलाई सहयोग गरेको आरोप लगाउँदै गाउँलेको अपहरण गरेका हुन् ।

Comments

प्रकाशित मिति : 2017-07-23

अरु समाचार

© NewsNepal 2018 - All Right Reserved.
newsnepal.com 2017.hlon.org