ताजा समाचार

आक्रमणका लागि राखिएका १२० ग्यास सिलिन्डर स्पेनप्रहरीद्धारा बरामद

विश्व प्रवास
-
       

काठमाडौं, ५ भदौं । स्पेनको प्रहरीले आक्रमणका लागि राखिएका १ सय २० वटा ग्यासका सिलिन्डर बरामद गरेको छ । यसै हप्ता भएका दुई आतंकवादी हमलामा संलग्न समूहले जम्मा गरेर राखेका १ सय २० वटा ग्यासका सिलिन्डर प्रहरीले बरामद गरेको हो । ती ग्यास सिलिन्डरको सहयोगमा हमलाको योजना बनाएको तथ्य प्रहरीले फेला पारेको छ ।

प्रहरीले अल्कना शहरको एक घरमा सिलिन्डर फेला पारेको हो । आतंककारी समूहले यो घरलाई नै नियन्त्रणमा लिएर हमलाको तयारी गरेको बिबिसीले जनाएको छ । बुधबार राति यो घरमा विस्फोट भएपछि प्रहरीले गरेको खोजतलासमा आक्रमणका लागि राखिएको ग्यासका सिलिन्डर फेला परेको हो ।

प्रहरीले बार्सिलोनाको लासरम्बलासमा मानिसको भीड भएको ठाउँमा भ्यान मार्फत आक्रमण गर्ने चालकको खोजी गरिरहेको छ । यो आक्रमणमा १३ जनाको ज्यान गएको थियो ।

Comments

प्रकाशित मिति : 2017-08-21

अरु समाचार

© NewsNepal 2018 - All Right Reserved.
newsnepal.com 2017.hlon.org