ट्राफिकको आँखा छल्दै नियम मिच्नेलाई मोबाइल क्यामरा भ्यानले ठेगान लगाउने

अर्थ र बाणिज्य

काठमाडौं, १२ कात्तिक । आईतबार बिहानै सिंहदरबारको पश्चिम गेट नजिकै एकजना यात्रु हेलमेट नगलाई मोटरसाईकलमा हुईकिदै थिए । दिनहु ट्राफिक प्रहरीले चेकिङ गरिराख्ने त्यो ठाउँमा एकाबिहानै कोही नदेखेपछि उनी मख्ख हुँदै ट्राफिक नियम उल्लंघन गर्दै अगाडि बढे । सधैजसो ट्राफिक प्रहरी भईराख्ने चोकमा उनले एउटा भ्यान मात्रै देखे । उनले त्यो भ्यानको प्रवाह गरेनन् ।

त्यहाँभन्दा केही पर पुग्दा ट्राफिक प्रहरीले उनलाई रोक्यो । अब उनलाई लाग्यो होईन मैलै हेलमेट नलगाएको त पर
हो तर किन यता रोकेको । उनको मनमा प्रश्न उब्जियो, आज मैले यस्तो गर्दा पनि ट्राफिक प्रहरी किन मौन ? तर
उनको मनमा उब्जिएको प्रश्नको उत्तर ट्राफिक प्रहरीले एकै छिनमा दियो । ट्राफिक नियम मिचेको ठाउँमा त ट्राफिक प्रहरीले विशेष प्रविधियुक्त सीसी क्यामरा जडित भ्यान पो राखेको रहेछ ।

अबदेखि ट्राफिकको आँखा छल्दै ट्राफिक नियम मिच्ने सम्भावना अत्यन्तै कम हुनेभएको छ । ट्राफिकको आँखा छल्दै ट्राफिक नियम मिच्ने तपाईँले बानी सुधार्नु ट्राफिक प्रहरीले यस्तो प्रविधि भित्र्याएको हो ।

केही समयदेखि राजधानीका विभिन्न स्थानमा भ्यान परिचालन गरिसकेको महानगरीय ट्राफिक प्रहरी महाशाखा प्रमुख डीआइजी सर्बेन्द्र खनालले जानकारी दिए ।

भ्यानको टपमा दुईवटा सीसी क्यामरा फरक दिशामा फर्काएर जडान गरिएको छ। दुई वटा क्यामराले चारैतर्फको दृष्य कैद गर्नेगर्छ। हाइ रेजुलेसनको क्यामरा भएकाले यसले सिधा बाटोमा दुई किलोमिटरसम्मको सवारी नम्बर कैद गर्नसक्ने खनालले जानकारी दिए ।

यसरी कैद भएको दृष्य हेर्ने भ्यान भित्र प्रहरी खटिएका हुन्छन्। भ्यानभित्र नै एउटा सानो कार्यालय तयार छ। भ्यानको भित्रपट्टि छ जनाको प्रहरी टोली बस्न मिल्छ। ‘भित्र नै मापसे चेकिङ सामग्री, प्रिन्टर, र्यारडर गनलगायत उपकरण राखिएको छ तत्काल केही भए सबै काम भ्यानबाट नै हुन्छ,’ उनले भने ।

क्यामराले भीड र धेरै परको दृष्य कैद गर्छ। यसरी ट्राफिक प्रहरी नदेखि नियम मिच्ने चालकको दृष्य भएमा तत्काल भ्यान भित्रका प्ररहीले नजिकैको ट्राफिक वा भ्यानमा गएर चालकलाई कारबाही गर्ने डिआइजी खनालले जानकारी दिए ।