ताजा समाचार

एमाले २ नम्बर प्रदेश संयोजक सत्यनारायण मण्डल प्रदेशसभामा बिजयी

प्रदेश
-
       

सप्तरी, २५ मंसिर । नेकपा एमाले २ नम्बर प्रदेश संयोजक सत्यनारायण मण्डल प्रदेशसभामा विजयी भएका छन् । दुई नम्बर प्रदेशमा एमालेले निराशाजनक नजिता ल्याइरहँदा मण्डल प्रदेशसभा सदस्यमा निर्वाचित भएका हुन् । स्थायी कमिटी सदस्य रहेका मण्डललाई कुनै बेला सप्तरीमा मधेशवादी दलले प्रवेश निषेध गरेका थिए ।

मण्डल सप्तरी क्षेत्र नम्बर १ को प्रदेशसभा क बाट प्रदेशसभा सदस्यमा निर्वाचित भएका हुन् । मण्डलले ११ हजार ३०२ मत प्राप्त गर्दा राजपाका महामन्त्री राजकुमार लेखीले ९ हजार २५२ मत प्राप्त गरे ।

मण्डल विरुद्ध एमालेकै कार्यकर्ता प्रेस चौतारीका पूर्व उपाध्यक्ष प्रकाश खतिवडा बागी उठेका थिए । तर खतिवडाले दुई सय मत पनि ल्याउन सकेनन् । २ नम्बर प्रदेशमा एमालेले अहिलेसम्म प्रतिनिधिसभामा दुई सिट र प्रदेशसभामा ८ सिटमात्र जित निकाल्न सकेको छ । प्रतिनिधिसभामा सिरहा ३ बाट लिलानाथ श्रेष्ठ र धनुषा ४ बाट रघुवीर महासेठ बिजयी भएका छन् ।

Comments

प्रकाशित मिति : 2017-12-11

अरु समाचार

© NewsNepal 2018 - All Right Reserved.
newsnepal.com 2017.hlon.org