नम्बर २ का मुख्यमन्त्रीले दिएको अभिव्यक्ति प्रति रावलकाे आपत्ति : तत्काल सच्याउन माग

राजनीति

काठमाडौं,३१ वैशाख । नेकपा एमालेका उपाध्यक्ष भीम रावलले भारतीय प्रधानमन्त्री नरेन्द्र मोदीको नागरिक अभिनन्दनका क्रममा प्रदेश नम्बर २ का मुख्यमन्त्री लालबाबु राउतले दिएको अभिव्यक्तिप्रति आपत्ति जनाएका छन् ।

सोमबार प्रतिनिधिसभाको बैठकमा बोल्दै रावलले मुख्यमन्त्री राउतले दिएको सो अभिव्यक्ति तत्काल सच्याउन माग गरेका छन् ।

दुई दिने नेपाल भ्रमणका लागि जनकपुर आएका भारतीय प्रधानमन्त्री मोदीको नागरिक अभिनन्दन कार्यक्रमको क्रममा मुख्यमन्त्री राउतले ‘संविधानविरुद्ध संघर्ष’ गरिरहनु परेको अभिव्यक्ति दिएका थिए। सो अभिव्यक्ति कूटनीतिक मर्यादा समेत उल्लंघन हुने गरी आएको भन्दै उपाध्यक्ष रावलले तत्काल सच्याउन माग गरेका हुन् । मुलुकमा अशान्ति फैलाउने खालको अभिव्यक्त राउतले दिएको भन्दै रावलले आपत्ति जनाएका छन् ।

मोदीको नेपाल भ्रमणको समयमा सत्तारुढ भारतीय जनता पार्टीका सांसद कीर्ति आजादले दिएको अभिव्यक्ति पनि निन्दनीय भएको भन्दै आपत्ति जनाएका छन् ।