ताजा समाचार

मन्त्री यादवले भने, मन्त्रालयलाई काम गर्न सहज वातावरण बनाइदिनुभयो खड्कालाई धन्यवाद

गतिविधि
-
       

काठमाडौँ २४, जेष्ठ । उद्योग, वाणिज्य तथा आपुर्तिमन्त्री मात्रिका यादवले नेपाल आयल निगमका तत्कालिन कार्यकारी निर्देशक गोपाल खड्काले राजीनामा दिएकोमा धन्यवाद दिएका छन् ।

बिहीबार मन्त्रालयमा आयोजित पत्रकार सम्मेलनमा मन्त्री यादवले खड्कालाई धन्यवाद दिँदै भने, ‘मन्त्रालयलाई काम गर्न सहज वातावरण बनाइदिनुभयो, यसका लागि उहाँलाई धन्यवाद छ ।’

मन्त्री यादवले नेपाल आयल निगममा नयाँ नियुक्तिका लागि छलफल थाल्ने पनि बताए । उनले निगममा अब नयाँ नियुक्ति गर्दा प्रतिस्पर्धाका आधारमा गरिने भन्दै निगमलाई सुधारेर लैजाने दावी गरे ।

‘आयल निगमलाई राम्रो बनाउने योजना छ । अहिले निगमप्रति कसैको पनि राम्रो धारणा छैन, अब भने सबैको आयल निगम बनाउने प्रयास गरिनेछ,’ मन्त्री यादवको भनाई छ ।

आयल निगमको जग्गा खरिद काण्डमा मुछिएपछि विवादीत बनेका खड्काले आजै राजीनामा दिएका छन् ।

राजीनामाबारे पत्रकार सम्मेलनमा बोल्दै  खड्काले आफूलाई आयल निगमबाट मन्त्रालय तानेर नौ महिनासम्म कामविहीन बनाएर राखेको आरोप लगाएका छन् ।

सम्बन्धित समाचार:

आयल निगमका हाकिम गोपाल खड्काले दिए राजीनामा

Comments

प्रकाशित मिति : 2018-06-07

अरु समाचार

© NewsNepal 2018 - All Right Reserved.
newsnepal.com 2017.hlon.org