सुमन शर्मा माछापुच्छ्रे बैंकको प्रमुख कार्यकारी अधिकृतमा नियुक्त

अर्थ र बाणिज्य

काठमाडौं २८, जेष्ठ। नेपाल एसविआई बैंकबाट बैकिङ्ग यात्रा सुरु गरेका सुमन शर्मा माछापुच्छ्रे बैंकमा प्रमुख कार्यकारी अधिकृत पदमा नियुक्त भएका छन् ।

२१ बर्षको बैंकिङ्ग अनुभव भएका शर्माले यो अवसरलाई चुनाैतिका रुपमा लिएको जनाउदै आफ्नो अनुभवलाई भरपुर उपयोग गरेर बैकिङ्ग कार्य सहज पार्न लागि पर्ने बताएका छन् ।

शर्मा एनएमबि बैंक र माछापुुच्छ्रे बैंक हुँदै नायव प्रमुख कार्यकारी अधिकृतको रुपमा ग्लोबल आइएमई बैंकमा प्रवेश गरेका थिए । माछापुच्छ्रे बैंकमा यसअघि शर्माले झण्डै ३ वर्ष नायव प्रमुख कार्यकारी अधिकृतको रुपमा कार्य गरेका थिए उनले ।

बैंकिङ्ग क्षेत्रका विभिन्न विषयहरुमा विज्ञता हासिल गरेका शर्मा कर्जा व्यवस्थापन र जोखिम व्यवस्थापनमा उत्कृष्ट मानिन्छन् ।

नेदरल्याण्डबाट वित्त तथा लेखा विषयमा स्नातकोत्तर शर्माले भौतिकशास्त्र र अर्थशास्त्र विषयमा समेत स्नातकोत्तर गरेका छन् । शर्मा महेन्द्र विद्याभुषण (२०५४), महेन्द्र विद्याभुषण -२०६२), तारापदचौधरी पदक लगायतका थुप्रै पदकबाट सम्मानित भएका छन् ।