अमेरिकामा अबैध रुपमा छिरेका १८ नेपाली पक्राउ, जेलमा यस्तो पनि हुन सक्छ..

विश्व प्रवास

काठमाडाैं ६, असार । ट्रम्प प्रशासनले आप्रवासी नियम कडा नियम बनाएपछि अवैध रुपमा अमेरिका बस्दै आएका कम्तीमा १८ नेपालीलाई पक्राउ गरिएको छ । साथै, ८० जना दक्षिण एशियालीलाई पक्राउ गरेर ओरेगनको कारागारमा राखिएको अधिकारवादी संघसंस्थाले जनाएका छन् ।

मध्यमस्तरको सेरिडन संघीय जेलमा राखिएका आप्रवासीमध्ये पूर्वी भारतका ५२ जना र नेपालका १८ जना रहेको बताइएको छ ।

एसियन प्यासिफिक नेटवर्क अफ ओरेगन (एपिएनओ) संस्थाले स्थानीय संचारमाध्यमलाई उद्धृत गर्दै दिएको जानकारी अनुसार पक्राउ पर्नेमा पाँच चीनियाँ र ३० जना मध्य–अमेरिकी देशहरुका आप्रवासी रहेका छन् ।

एपिएनओले एक प्रेस विज्ञप्ति जारी गर्दै पक्राउ गरिएकालाई एक्लाएक्लै राखिएको र उनीहरुलाई कानूनी अधिकारबाट बञ्चित गरिएको जानकारी दिएको छ ।

पक्राउ पर्नेहरुलाई अनुवादकसँग सिमित पहुँच दिइएको र अहिलेको व्यवस्था अनुसार उनीहरुमाथि दुर्व्यवहारसमेत हुनसक्ने अवस्था भएको एपिएनओले जानकारी दिएको छ ।

चार दिनअघि अमेरिकी सांसदहरुको एउटा प्रतिनिधिमण्डलले उक्त कारागारको भ्रमण गरेको थियो ।

त्यसमा रहेकी सांसद सुजन बोनामिचिले तारबारले घेरिएको उक्त जेलमा कडा सुरक्षा रहेको र त्यहाँस्थित आप्रवासीहरुसँग आफूले कुराकानी गरेको बताएकी छिन् ।

Most detainees I met today are seeking asylum, fleeing violent gangs or religious persecution. Few have had access to attorneys & several need medical care but have not received it. They told us that they are confined in small cells for up to 23 hours a day. #EndFamilySeparation

— Suzanne Bonamici (@RepBonamici) June 17, 2018