उपकुलपति कोइरालाले पत्रकार सम्मेलन गरेर भने: प्रधानमन्त्री ज्यु तपाईँ सामन्ती हुनुहुँदो रहेछ

प्राज्ञिक क्षेत्र हवल्दारी पाराले चलाउन खोज्नु मुर्खता बाहेको अरु केहि होइन

बागमती प्रदेश

काठमाडाैं २४, असार । संस्कृत विश्वविद्यालयका उपकुलपति प्राडा कूलप्रसाद कोइरालाले आफूलाई अपराधीको शैलीमा पक्राउ गरेर सरकारले अलोकतान्त्रीक व्यवहार देखाएको बताएका छन् । उनले घाँटी छिनालेर र गोली ठोकेर सरकारमा पुगेकाहरुले सर्वसत्तावाद लाद्न खोजेको आरोप समेत लगाए ।

क्यानडाको भ्यानकुभर सहरमा आयोजना हुन लागेको १७ औं विश्व संस्कृत सम्मेलनमा भाग लिन जाने क्रममा हिजो शनिबार सरकारले त्रिभुवन विमानस्थलबाट नियन्त्रणमा लिएको भोलिपल्ट आज आइतबार रिपोर्टर्स क्लब नेपालमा पत्रकार सम्मेलन गरेर कोइरालाले यस्तो आरोप लगाएका हुन् ।

‘म विनम्र अनुरोध गर्न चाहन्छु, ओलीज्यू हामीले पनि लोकतन्त्र र गणतन्त्रको लागि भूमिका खेलेका छौं, हवल्दारी पाराले प्राज्ञिक क्षेत्रलाई तहसनहस पार्न खोज्नु मुर्खता हो उनले भने मलाई यो किसिमको अपहरण किन गरियो ? मैले के अपराध गरेको थिएँ ? विश्व संस्कृत सम्मेलनमा भाग लिन जाँदा के भत्किने थियो ? तपाईले चालेको कदम अधिकानायवादको पूर्व संकेत हो, नेपालको लागि अधिनायकवाद कल्पनाभन्दा बाहिरको कुरा हो, सरकारका रवैयाहरुले राम्रो संकेत दिइरहेका छैनन् ।’

उनले अघि थपे, “यो पटक मैले विधि र प्रकिया अपनाएर बिदाको निवेदन दिएको हो, शिक्षा मन्त्रालयमा ७३३ नम्बरमा दर्ता छ, तर किन रोकियो ? मेरो बिदाको निवेदनको फाइल किन लुकाइयो ?” उनले उक्त घटनालाई आफूले सामान्य रुपमा नलिएको बताउँदै अन्तर्राष्ट्रिय फोरममा समेत यो विषयले नेपालको बेइज्जती भएको दाबी गरे ।

कोइरालाले भने, सरकारले आफ्नो अपमान नगरेर नेपालको प्राज्ञिक क्षेत्रको अपमान गरेको जनाए । उनी आफू पिकनिक जान लागेको नभइ नेपालको प्रतिनिधित्व गर्दै क्यानडा जान लागेको कुरा कसैले भुल्न नहुने तर्क समेत गरे ।

नपढेको मान्छेले ज्ञानको गहिराइ पवित्रता बुझ्ने भए पनि प्रधानमन्त्री ओलीले संगत हुर्काइ र संस्कारले ज्ञानको गहिराइ नबुझेर आफूलाई पक्राउ गरेको आरोप लगाए। भने, ‘१४ वर्ष जेल परेको मान्छे प्रजातान्त्रिक हुनुहुन्छ होला भन्ने सोचेको थिएँ, तर उहाँ त सामन्ती हुनुहुँदोरहेछ।’

शिक्षामन्त्री गिरिराजमणि पोखरेलले १० वटै विश्वविद्यालयका उपकुलपतिलाई बोलाएर पद छोड्नुपर्यो भनेको भन्द्र कोइरालाले आफूहरुले नियम र प्रक्रिया अनुसार नै छोड्ने जवाफ दिएको पनि बताए ।

सम्बन्धित समाचार:

संस्कृत विश्वविद्यालयका उपकुलपतिमाथि भएको व्यवहार अलोकतान्त्रिक: कांग्रेस