सीडीओलाई किन बनाइदै छ ‘पावरफुल’ , नयाँ संहिता अनुसार हेर्न पाउनेछन् यी ३३ कसुरका मुद्दा

समाचार

काठमाडाैँ ५, भदाै । नयाँ संहिता अनुसार अझै ३३ कसुरसँग सम्बन्धित मुद्दाहरू प्रमुख जिल्ला अधिकारी (सीडीओ) ले हेर्न पाउने भएका छन्। एक वर्षभन्दा कम कैद सजाय हुने फौजदारी मुद्दा अर्धन्यायिक निकायलाई हेर्न दिन सक्ने संवैधानिक व्यवस्था छ। सोही अनुसार सार्वजनिक सुरक्षासँग सम्बन्धित ३३ प्रकृतिका कसुरका मुद्दा सीडीओलाई हेर्ने दिनेगरि व्यवस्था गर्न लागिएको हो।

मुलुकी अपराध संहिता ०७४ का विभिन्न दफाहरूमा रहेका सार्वजनिक अपराधसँग सम्बन्धित कसुरका मुद्दा हेर्ने अधिकार सीडीओलाई दिन लागिएको हो।

अधिकार प्रत्यायोजनसम्बन्धी रापजत्र प्रकाशनको चरणमा छ।

देहायका दफा र कसुरका मुद्दा सीडीओले हेर्नेछन्

६० –गैरकानुनी भेला गर्न नहुने

६१ –गैरकानुनी भेला रोक्ने वा भङ्ग गर्ने आदेश उल्लङ्घन गर्न नहुने

६४ –हुलदंगा गर्न दूरुत्साहन दिन नहुने

६५ –सार्वजनिक शान्ति खलल पार्न नहुने (उपदफा १ र २)

६६ –राष्ट्रसेवकलाई बाधा विरोध गर्न नहुने

६९ –कर्फ्यु उल्लङ्घन गर्न नहुने

७० –झुटा अफवाह फैलाउन नहुने

७१ –शान्ति भङ्ग गर्न घर, जग्गा वा सवारीसाधन दिन नहुने

७२ –संवेदनशील सार्वजनिक क्षेत्रमा मशाल जुलुस गर्न नहुने