कञ्चनपुर गोली श्रृङखलामा बालक मारिएपछि गृहमन्त्री दवावमा, स्थानीयको शंका ‘भीआइपी’ माथी

अपराध

काठमाडाैं ९, भदाै । कञ्चनपुरमा भड्किएको हिंसाले मानिसको ज्यान लिएपछि सरकार भित्र तरङ्ग पैदाभएको छ ।

नेकपाका नेता भीम रावलले ऋषि धमलासंग कुरा गर्दै कांग्रेसीले कञ्चनपुरको घटनालाई राजनीतिकरण गरेर नेकपाका नेता तथा कार्यकर्तालाई आक्रमण गरेको अभिव्यक्ति दिएपछि शान्त भएसकेको कञ्चनपुर फेरी अशान्त बन्न पुगेको हो ।

१३ वर्षीया बालिका निर्मला पन्तको बलात्कार पछि भएको हत्याको निष्पक्ष छानवीनको माग गर्दै सडका उत्रेका सर्वशाधारणमाथी बएको प्रहरी दमनका कारण सरकारका गृहमन्त्री समेत आलोचित हुन पुगेका छन् ।

आखिर प्रहरीले किन मानसिक सन्तुलन गुमाएका मानिसलाई अभियुक्तका रुपमा सार्वजनिक गर्यो त यो कुराले नै घटनालाई थप आशंकगर्ने ठाउ छोडेको छ । विभिन्न समाचार र स्थलगत अध्ययनले घटनामा छानवीन गर्दा प्रहरी चुकेको देखिन थालेको छ ।

घटनालाई थप रहस्यमय बनाउनमा प्रहरी नै लागि परेको पीडितको भनाई छ । निर्मला होमवर्क गर्न गएको घरदेखि नै अनुसन्धान हुनुपर्नेमा उनीहरुको जोडदार माग छ तर प्रहरी उनीहरुको कुरा नै नसुनेको आरोपहरु छरपस्ट हुन थालेका छन् ।

निर्मला पन्त किताव लिनका लागि जुन घरमा गइन् । तर, त्यो घरदेखि नै यो घटना एकदमै रहस्यमय छ । त्यो घर दुईतल्ले छ, त्यहाँ बम दिदीबहिनीमात्रै बस्थे । उनीहरुका बुबाआमा दार्चुला भन्ने ठाउँमा बस्ने गरेका थिए । घरमा उनका छोरीहरु रोशनी आँचल र बबिता मात्रै बस्थे । निर्मलाकी साथी रोशनी १८ वर्षकी छिन् भने उनकी दिदी बबिता अझै जवान भइसकेकी छिन् । उनीहरुको घर लगभग रित्तैजस्तो भए पनि भाडामा लगाइएको छैन ।

स्थानीयका अनुसार त्यो घरमा दुईजना केटाहरु प्रायाः आवत-जावत गरिरहन्थे । पछि पत्ता लागेअनुसार ती दुईजना केटाहरुमा एकजना कञ्चनपुरकै एसपी डिल्लीराज विष्टका छोरा रहेछन् । अर्काचाहिँ भीमदत्त नगरपालिकाका मेयरका भतिजा रहेछन् । स्थानीयका अनुसार दिदी बहिनीमात्रै भएको त्यो घरमा ती दुई युवकहरु बाक्लै आउने-जाने गर्थे ।

पीडितको माग भनेको छानवीनको दायरामा बम दिदिबहिनी र त्यहाँ आवतजावत गरिरहने दुई युवालाई समेत हुन पर्छ भन्ने छ तर, प्रहरी यता तिर लाग्न त के थोरै कुरा सम्म सोध्न तयार थिएन ।

एसपी विष्टले घटनालाई अनुसन्धान गर्नुको साटो मानसिक सन्तुलन गुमाएका अभियुक्त करार गरेर किटानी जाहेरी दिन दवाव दिइरहे ।

यता गृहमन्त्रालयले छानवीनका लागि समिति बनायो, प्रहरी प्रमुख, सिडियोलाई फिर्ता बोलायो तर नयाँ नेतृत्व पठाएपनि आन्दोलनमा बालकले ज्यान गुमाउनु पर्यो नै ।

यसैले कतै गृहमन्त्रीको राजीनामा नै दिए बाध्य त पार्दैनन् कञ्चनपुरवासीले ?