सीता लावारिस बच्ची हुन्, जनक नामका मान्छे नै थिएनन्ः प्रचण्ड

बागमती प्रदेश

- न्युज-नेपाल

काठमाडाैं । राष्ट्रिय विभूति सीता जन्म जयन्ती समारोहमा बोल्दै नेकपा अध्यक्ष प्रचण्डले आधयात्मिक चिन्तनलाई प्रबर्धन तथा संबर्धन गर्नु पर्ने बताएका छन् ।

भाैतिकवादको विद्यार्थी भएपनि कतिपय मानिसले प्रचण्डले कुरा बुझ्दैन भनेपनि आध्यात्मिक चिन्तनको बचाउ गर्नै पर्ने दाबी प्रचण्डले गरेका हुन् । सीतालाई आदर्श महिला, पत्नी, आमाको रुपमा चर्चा र चिन्तन आवश्यक हुने उनले जनाएका छन् ।

सीताको भुमिकालाई एक महिला, आमा र अशल पत्नीको रुपमा हामीले ग्रहन गर्नु पर्छ । सीता लावारीस रुपमा फालिएकी बच्ची भएको दाबी गर्दै प्रचण्डले सीता जनककी छोरी नभएको जनाए । जनक भन्ने मान्छे नै नभएको स्मरण गर्दै प्रचण्डले भने, जनक भन्ने राजाको पद हो । राज गर्नेलाई जनक भन्ने गरिएको पाइन्छ ।

नेपाल भारतका विभिन्न शक्ति पीठलाई मिलाएर धार्मिक पर्यटनको विकास गर्न सके नेपाल भारतको हीत हुने कुरा दुबै देशका कुटनैतिक पहल थालेको उनले जनाए ।