यति एयरको विमान चिप्लिएर दुर्घटना हुँदा तीन जना घाइते (घाइतेको नामसहित)

बागमती प्रदेश

- न्युज-नेपाल

काठमाडौं । त्रिभुवन विमानस्थलमा यति यअरलाइन्सको विमान चिप्लिएको छ ।

नेपालगञ्जबाट यात्रु बोकेर आएको यती एयरलाइन्सको एटीआर–७२ को जहाज शुक्रबार बिहान धावनमार्गमा चिप्लिएको हो ।

त्रिभुवन अन्तर्राष्ट्रिय विमानस्थलका प्रवक्ता प्रतापबाबु तिवारीले विमान धावन मार्गमा चिप्लिएको जानकारी दिए । विमानमा चालक दलका सदस्यसहित सवार ६९ यात्रुमध्ये तीनजना घाइते भएका छन् ।

घाइते हुनेहरुमा कृष्ण प्रसाद काफ्ले, उमा मगर र विमलादेवी भण्डारी रहेका छन् । अस्पताल स्रोतका अनुसार घाइतेहरुको अवस्था सामान्य रहेको छ । उनीहरुको अहिले अस्पतालको इमरजेन्सी वार्डमा उपचार भइरहेको छ ।

कोटेश्वरतर्फको प्रवेश विन्दूबाट अवतरण गर्दा ‘डेल्टा’ नामको ट्याक्सीवे नजिककै धावनमार्गबाट विमान चिप्लिएको हो ।

उनीहरुलाई उपचारका लागि केएमसी अस्पताल सिनामंगलमा लगिएको छ भने उद्धार कार्य भइरहेकाले अहिले राष्ट्रिय तथा अन्तराष्ट्रिय उडान अवतरणहरु बन्द रहेका छन् । भने, अहिले ४ वटा विमान आकासमै होल्ड गराइएको छ ।

तर, यति एयरलाइन्सले भने सवै यात्रु सुरक्षित रहेको जनाएको छ । रनवेमा विमान चिप्लिदा चालक दलका सदस्य तथा यात्रुहरुलाई कुनै चेटपटक नलागेको र सबै सुरक्षित रहेको जनाएको छ ।