पहिलो सगरमाथा आरोही हिलारी र शेर्पाको शालिक प्रचण्डद्वारा अनावरण

जिरी घुम्न नभएर हेर्न अनि तपाईहरुसँग भेट्न आउने गरेको छुः प्रचण्ड

बागमती प्रदेश

दोलखा । नेपाल कम्युनिष्ट पार्टी (नेकपा)का अध्यक्ष प्रचण्डले शान्ति प्रक्रियामा प्रवेश गर्न वित्तिकै जिरी पुगेको जनाए ।

जिरी आफूलाई अत्यन्तै मन पर्ने स्थान रहेको भन्दै प्रचण्डले जिरी आराम गर्न नभएर घुम्न र हेर्न भेट्न आएको जनाए ।

जिरीमा एक सभालाई सम्बोधन गर्दै प्रचण्डले संघीयताले कुनै किसिमका दुःख भोग्न परेको भए राजनीतिक रुपमा यसलाई समाधानको बाटोमा पहल गर्ने प्रतिबद्धता व्यक्त गरेका छन् ।

जनतालाई सेवा दिने कुरा नै आजको आवश्यकता रहेको भन्दै जनताको समस्यालाई समाधान गर्ने कुरा मुख्य कुरा रहेको उनले जनाए । प्रधानमन्त्री केपी शर्मा ओलीको आश्वासन लिएर आएको भन्दै प्रचण्डले भने, आफूले बोलेको कुरामा प्रधानमन्त्री ओलीको समर्थन रहेको समेत स्पष्ठ पारे ।

यस्तै, पहिलो सगरमाथा आरोहण गर्ने एडमण्ड हिलारी र तेन्जिङ नोर्गे शर्पाको शालिक अनावरण गर्न प्रचण्ड जिरी पुगेका हुन् ।