१० दिने अस्पताल बसाइमा प्रधानमन्त्रीको उपचार खर्च कति, कसले तिर्‍यो ?

गतिविधि

- न्युज-नेपाल

काठमाडाैं । प्रधानमन्त्री केपी शर्मा ओलीको उपचार खर्च प्रधानमन्त्री तथा मन्त्रिपरिषद्ले तिरेको छ ।

एपेन्डिसाइटिसको शल्यक्रिया पश्चात प्रधानमन्त्री ओलीको १० दिनको अस्पताल बसाइमामा २ लाख ५४ हजार ६ सय ८८ रुपैयाँको बिल उठेको छ ।

अस्पताल स्रोतले जनाएअनुसार उनको उपचार खर्च सबै प्रधानमन्त्री तथा मन्त्रिपरिषद्ले भुक्तान गरेको हो ।

यस्तै, प्रधानमन्त्री ओलीको निजी चिकित्सक दिव्या सिंहले पत्रकार सम्मेलनमा बोल्दै प्रधानमन्त्री ओली मन्त्रिपरिषद् बैठकमा बस्न तथा अन्य कामकाज गर्न सक्षम रहेको र अबको दुई हप्तामा पहहिले कै अवस्थामा फर्किने जनाएकी छन् ।

स्वास्थ्यमा उल्लेख्य सुधार भएको भन्दै सिंहले प्रधानमन्त्रीको मृगाैला प्रत्यारोपण २-३ महिनामा नेपालमै गर्न सकिने जनाएकी छन् । तर, यसबारे निर्णय भने भइनसकेको भन्दै उनले आफ्नो राय नेपालमै प्रत्यारोपण गर्नुपर्नेमा रहने बताइन् ।

नेपालमा पनि मिर्गौलाको सफल प्रत्यारोपण भइरहेकाले विदेश जानु आवश्यक नभएको सिंहले बताइन् । यस्तै, उनले सकेसम्म मृगाैला प्रत्यारोपण गर्न अमेरिका वा सिंगापुर नजाने पनि वताएकी छन् ।

डाक्टर सिंहले दोस्रो पटक मिर्गौला प्रत्यारोपण गर्दा केही जोखिम हुने भए पनि धेरैले सफलतापूर्वक दुई/तीन पटक प्रत्यारोपण गरेको बताइन् ।