म्यानमारमा सैन्य कू विरुद्ध नागरिक प्रदर्शनमा प्रहरीको बल प्रयोग

विश्व प्रवास

- न्युज-नेपाल

काठमाडाैँ । म्यानमारमा सैन्य कू विरुद्ध प्रदर्शन तीव्र हुने क्रममा प्रहरीले बल प्रयोग गरेको छ।

राजधानी नाइ पी तावमा भएको प्रदर्शन नियन्त्रणमा लिनका लागि प्रहरीले पानीको फोहोरा प्रहार गरेको छ।

पेशाकर्मीहरुले सैन्य कू विरुद्ध देशव्यापी बन्द आह्वान गरेका छन् । त्यसक्रममा भएको प्रदर्शन नियन्त्रणमा लिनका लागि प्रहरीले पानीको फोहोरा प्रहार गरेको हो।

म्यानमारमा लगातार तेस्रो दिन प्रदर्शन भएको हो । उनीहरुले नेतृ आङ साङ सूकीसहितका नेताको रिहा तथा प्रजातन्त्र पुनर्स्थापनाको माग गरेका छन्।

म्यानमारको सेनाले गएको सोमबार बिहानै सत्तारुढ नेशनल लिग फर डेमोक्रेसी पार्टीकी नेतृ आङ साङ सूकीसहित शीर्ष नेतालाई गिरफ्तार गरि सत्ता नियन्त्रणमा लिएको हो।

गएको नोभेम्बर ८ मा भएको चुनावमा सूकीको पार्टी अत्याधिक बहुमत ल्याएर विजयी भएको थियो । तर सो चुनावमा धाँधली भएको आरोप लगाएको सेनाले निर्वाचित सांसदको पहिलो बैठक बोलाइएकै दिनको सबेरै सत्ता हत्याएको हो ।

Comments

प्रकाशित मिति : 2021-02-08

म्यानमारमा सैन्य कू विरुद्ध नागरिक प्रदर्शनमा प्रहरीको बल प्रयोग

Comments

अरु समाचार