ताजा समाचार

अध्यादेशबाट आयो लुम्बिनीको बजेट

अर्थ र बाणिज्य
- न्युज नेपाल
       

काठमाडौं । बजेट पारित हुन नसक्ने स्पष्ट भएपछि प्रदेशसभा बैठक नै बहिस्कार गरेको लुम्बिनी सरकारले अध्यादेशबाट बजेट ल्याउने निर्णय गरेको छ ।

गएराति अबेर संसद् अधिवेशन अन्त्य गरेको सरकारले अहिले बिहान अध्यादेशबाट बजेट ल्याउने निर्णय गरेको एक मन्त्रीले जानकारी दिए ।

सरकारले असार १ मा ल्याएको बजेट बिहीबार पारित गर्ने तयारी गरिएको थियो ।

लुम्बिनी प्रदेशसभामा सभामुखले बजेट पारितको प्रक्रियामा लैजान खोजेपछि सत्तापक्षले छलफलका लागि थप समय माग गरेको थियो ।

तर विपक्षमा रहेका दलहरुले प्रक्रियामा लैजान दबाब दिएपछि मुख्यमन्त्री पोखरेलले प्रदेशसभामा रहेका सबै मन्त्रीलाई बाहिर निस्कन संकेत गर्दै आफू  पनि बाहिरिएका थिए ।

सत्तापक्षले नै बहिस्कार गरेपछि सूचना टाँस गरेर स्थगित गरिएको प्रदेशसभा बैठक मध्यराति अन्त्य गरिएको थियो ।

प्रदेशसभा बैठक अन्त्य गरेर अध्यादेशबाट बजेट ल्याउनु परेको त्यहाँको सरकारले जनाएको छ ।

Comments

प्रकाशित मिति : 2021-07-16

अरु समाचार

© NewsNepal 2018 - All Right Reserved.
newsnepal.com 2017.hlon.org