उपत्यका प्राधिकरणले भन्यो- ३५ दिनभित्र अतिक्रमित संरचना हटाऊ

समाचार

काठमाडौं । शहरी विकास मन्त्रालय अन्तर्गत रहेको काठमाडौं उपत्यका विकास प्राधिकरणले उपत्यकाभित्र अतिक्रमण गरेर बनाइएका सबै संरचना ३५ दिनभित्र हटाउन आग्रह गरेको छ ।

प्राधिकरणले आज (बुधबार) सूचना जारी गर्दै प्राधिकरणले सरकारी र ऐलानी जग्गा अतिक्रमण गरी निर्माण गरिएका संरचना तोकिएको मितिभित्र हटाउन निर्देशन दिएको हो । सरकारी र ऐलानी जग्गा अतिक्रमण गरी निर्माण गरिएका संरचना तोकिएको मितिभित्र हटाउन निर्देशन दिएको हो ।

प्राधिकरणले काठमाडौं उपत्यकाभित्रका सरकारी, पर्ति, ऐलानी तथा खोलाको मापदण्ड बमोजिमका जग्गा अतिक्रमण गरी निर्माण गरिएका संरचना हटाउन भनेको छ । ३५ दिनभित्र अवैध संरचना नहटाए आफैं हटाइदिने सूचनामार्फत चेतावनी दिइएको छ ।

अवैध संरचना भत्काउँदा लाग्ने खर्चसमेत अतिक्रमण गर्नेबाटै असुल गर्ने प्राधिकरणको चेतावनी छ । उपत्यकाभित्र रहेका नगरहरुको पुनर्निर्माण, विकास र विस्तारमार्फत सहर व्यवस्थित गर्ने उद्देश्यका साथ उपत्यकामा योजनाबद्ध भौतिक विकासका लागि आधारभुत मापवदण्ड तय गर्न सरकारी जग्गा अतिक्रमण गरी बनाइएका संरचना हटाउन लागिएको सूचनामा उल्लेख छ ।